ماڭعىستاۋ وبلىسى بەينەۋ اۋىلىنداعى ج. قالدىعاراەۆ اتىنداعى ورتا مەكتەپتە 16 بالا ۋلاندى. بۇل تۋرالى وبلىستىق دەنساۋلىق ساقتاۋ باسقارماسى مالىمدەدى، دەپ حابارلايدى “ادىرنا” ۇلتتىق پورتالى.
وبلىستىق دەنساۋلىق ساقتاۋ باسقارماسى مالىمەتىنشە، 12 قىركۇيەك كۇنى كەشكە شامامەن 7-دە ج. قالدىعاراەۆ اتىنداعى مەكتەپتىڭ 16 وقۋشىسى ءىش اۋرۋى شاعىمىمەن اۋداندىق جەدەل جاردەم بولىمشەسىنە جۇگىنگەن.
«قابىلداۋ بولىمىندە ولارعا اۋىز ارقىلى رەگيدراتاتسيا جانە ينفۋزيالىق تەراپيا جۇرگىزىلدى. 12 قىركۇيەك كۇنى ساعات 21:43-تەگى جاعداي بويىنشا بارلىق بالالار ۇيگە جىبەرىلدى. وقۋشىلاردىڭ جاعدايى تۇراقتى. بۇگىن بالالاردىڭ ءبارى مەكتەپتە»، دەلىنگەن حابارلامادا.
الدىن-الا مالىمەتتەر بويىنشا، دارىگەرلەر بالالاردىڭ سۋدان ۋلانعانىن بولجاپ وتىر. مامانادار مەكتەپ اسحاناسىنان ۇلگىلەر الىپ ساراپتاماعا جىبەردى.
ەسكە سالساق، جاقىندا ماڭعىستاۋ وبلىسى بوسشوقى اۋىلىندا 400 وقۋشى ۋلانعان بولاتىن.
