Taǧy da ulanu. Maŋǧystauda 16 oquşy ış auruy şaǧymymen auruhanaǧa tüsken

Maŋǧystau oblysy Beineu auylyndaǧy J. Qaldyǧaraev atyndaǧy orta mektepte 16 bala ulandy. Būl turaly oblystyq densaulyq saqtau basqarmasy mälımdedı, dep habarlaidy “Adyrna” ūlttyq portaly.  Oblystyq densaulyq saqtau basqarmasy mälımetınşe, 12 qyrküiek künı keşke şamamen 7-de J. Qaldyǧaraev atyndaǧy mekteptıŋ 16 oquşysy ış auruy şaǧymymen audandyq jedel järdem bölımşesıne jügıngen. «Qabyldau bölımınde olarǧa auyz arqyly regidratasiia jäne infuziialyq terapiia jürgızıldı. 12 qyrküiek künı saǧat 21:43-tegı jaǧdai boiynşa barlyq balalar üige jıberıldı. Oquşylardyŋ jaǧdaiy tūraqty. Bügın balalardyŋ bärı mektepte»,  delıngen habarlamada. Aldyn-ala mälımetter boiynşa, därıgerler balalardyŋ sudan ulanǧanyn boljap otyr. Mamanadar mektep ashanasynan ülgıler alyp saraptamaǧa jıberdı. Eske salsaq, jaqynda Maŋǧystau oblysy Bosşoqy auylynda  400 oquşy ulanǧan bolatyn.