فرانتسيانىڭ ليون قالاسىندا 60 قۇزىرەتتىلىك بويىنشا «WorldSkills Lyon2024» كاسىبي شەبەرلىكتىڭ 47-ءشى الەمدىك چەمپيوناتى باستالادى. WorldSkills International جارىستارىندا مىڭداعان جاس ماماندار الەمنىڭ 88 ەلىنىڭ اتىنان ءوز بىلىمدەرى مەن داعدىلارىن كورسەتەدى.
WSI ميسسياسى - جۇمىسشى ماماندىقتارىنا نازار اۋدارۋ جانە جوعارى كاسىبي ستاندارتتاردى دامىتۋ ءۇشىن جاعداي جاساۋ. ونىڭ نەگىزگى قىزمەتى - 22 جاسقا دەيىنگى جاستار ءۇشىن ءارتۇرلى دەڭگەيدەگى كاسىبي جارىستاردى ۇيىمداستىرۋ جانە وتكىزۋ. WorldSkills جۇمىسشى ماماندىقتارىنىڭ الەمدىك چەمپيوناتى ەكى جىلدا ءبىر رەت وتەدى.
بيىل اقمولا كوللەدجدەرىنىڭ ءۇش وكىلىنە حالىقارالىق ارەنادا ءوز كاسىبيلىگىن كورسەتۋگە مۇمكىندىك تۋدى:
- «شاناقتى جوندەۋ» قۇزىرەتتىلىك بويىنشا، كوكشەتاۋ قالاسىنىڭ جوعارى تەحنيكالىق كوللەدجىنىڭ ستۋدەنتى تانباەۆ اسحاد;
- «ەلەكترومونتاجدىق ءىس» قۇزىرەتتىلىگى بويىنشا، شاعالالى اۋىلى، جوعارى اگروتەحنيكالىق كوللەدجىنىڭ تۇلەگى قابيبولا ەلامان;
- «سىرلاۋ جانە ساندىك جۇمىستار» قۇزىرەتتىلىگى بويىنشا، كوكشەتاۋ قالاسىنىڭ قۇرىلىس-تەحنولوگيالىق كوللەدجىنىڭ تۇلەگى الينا كاريۋكينا.
قاتىسۋشىلار ىرىكتەۋدىڭ قاتاڭ رەسپۋبليكالىق كەزەڭىنەن ءوتتى، وندا ولار تاماشا ناتيجە كورسەتىپ، ەلىمىزدىڭ اتىنان حالىقارالىق ارەنادا وكىلدىك ەتۋ قۇقىعىنا يە بولدى.
ايتا كەتۋ كەرەك، مۇنداي دەڭگەيدەگى چەمپيوناتتا الينا مەن اسحادتىڭ ءبىرىنشى قاتىسۋى ەمەس، وتكەن جىلى ولار رەسپۋبليكا كومانداسىنىڭ قۇرامىندا گدانسك قالاسىندا (پولشا) EuroSkills 2023-كە قاتىستى.
ءبىزدىڭ بايقاۋعا قاتىسۋشىلاردىڭ مىقتى تالىمگەرلەرى بار، ولاردىڭ ارقايسىسى ءوز ءىسىنىڭ شەبەرى. بۇل حالىقارالىق ساراپشىلار - كوكشەتاۋ قالاسىنىڭ جوعارى تەحنيكالىق كوللەدجىنەن نارتاي يبراەۆ، كوكشەتاۋ قالاسىنىڭ قۇرىلىس-تەحنولوگيالىق كوللەدجىنەن اسان ايتكوجين جانە ج.قيزاتوۆ اتىنداعى سولتۇستىك قازاقستان كاسىپتىك-پەداگوگيكالىق كوللەدجىنەن سەرگەي كوزيايچەۆ.
