Franııanyń Lıon qalasynda 60 quzyrettilik boıynsha «WorldSkills Lyon2024» kásibı sheberliktiń 47-shi álemdik chempıonaty bastalady. WorldSkills International jarystarynda myńdaǵan jas mamandar álemniń 88 eliniń atynan óz bilimderi men daǵdylaryn kórsetedi.
WSI mıssııasy - jumysshy mamandyqtaryna nazar aýdarý jáne joǵary kásibı standarttardy damytý úshin jaǵdaı jasaý. Onyń negizgi qyzmeti - 22 jasqa deıingi jastar úshin ártúrli deńgeıdegi kásibı jarystardy uıymdastyrý jáne ótkizý. WorldSkills jumysshy mamandyqtarynyń álemdik chempıonaty eki jylda bir ret ótedi.
Bıyl Aqmola kolledjderiniń úsh ókiline halyqaralyq arenada óz kásibıligin kórsetýge múmkindik týdy:
- «Shanaqty jóndeý» quzyrettilik boıynsha, Kókshetaý qalasynyń joǵary tehnıkalyq kolledjiniń stýdenti Tanbaev Ashad;
- «Elektromontajdyq is» quzyrettiligi boıynsha, Shaǵalaly aýyly, joǵary agrotehnıkalyq kolledjiniń túlegi Qabıbola Elaman;
- «Syrlaý jáne sándik jumystar» quzyrettiligi boıynsha, Kókshetaý qalasynyń qurylys-tehnologııalyq kolledjiniń túlegi Alına Karıýkına.
Qatysýshylar irikteýdiń qatań respýblıkalyq kezeńinen ótti, onda olar tamasha nátıje kórsetip, elimizdiń atynan halyqaralyq arenada ókildik etý quqyǵyna ıe boldy.
Aıta ketý kerek, mundaı deńgeıdegi chempıonatta Alına men Ashadtyń birinshi qatysýy emes, ótken jyly olar Respýblıka komandasynyń quramynda Gdansk qalasynda (Polsha) EuroSkills 2023-ke qatysty.
Bizdiń baıqaýǵa qatysýshylardyń myqty tálimgerleri bar, olardyń árqaısysy óz isiniń sheberi. Bul halyqaralyq sarapshylar - Kókshetaý qalasynyń joǵary tehnıkalyq kolledjinen Nartaı Ibraev, Kókshetaý qalasynyń qurylys-tehnologııalyq kolledjinen Asan Aıtkojın jáne J.Qızatov atyndaǵy Soltústik Qazaqstan kásiptik-pedagogıkalyq kolledjinen Sergeı Kozıaıchev.
