30 قىركۇيەكتە قازاقستان تاجىكستانعا گۋمانيتارلىق كومەك جىبەردى، دەپ حابارلايدى «ادىرنا» ءتىلشىسى.
قازاقستاننىڭ تاجىكستانداعى ەلشىسى ءۋاليحان تورەحانوۆ تاجىكستان رەسپۋبليكاسى ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگىنىڭ باسشىلىعىنا 5 مىڭ توننا مازۋت سەرتيفيكاتىن تابىس ەتتى.
قازاقستاندىق ديپلومات ءوز سوزىندە ەكى ەلدىڭ ستراتەگيالىق قاتىناستارى اياسىندا قازاقستان باسشىلىعى تاجىكستان رەسپۋبليكاسىنا 893,7 ملن تەڭگەگە گۋمانيتارلىق كومەك كورسەتۋ تۋرالى شەشىم قابىلداعانىن اتاپ ءوتتى.
گۋمانيتارلىق كومەك «KazAID» قازاقستاندىق حالىقارالىق دامۋ اگەنتتىگىنىڭ ىقپالداسۋىمەن كورسەتىلدى جانە ەنەرگەتيكالىق قاۋىپسىزدىكتى قامتاماسىز ەتۋگە، تاتۋ كورشىلىك پەن قازاق-تاجىك ىنتىماقتاستىعىنا ءتان ءوزارا تابىستىڭ كورىنىسىنە ۇلەس بولىپ تابىلادى.
سوڭعى 5 جىلدا قازاق تاراپى تاجىكستانعا جەتكىزگەن گۋمانيتارلىق كومەگىنىڭ كولەمى 21 ملن. اقش دوللاردان اسقان.
