بىرىككەن ۇلتتار ۇيىمىنىڭ دۇنيەجۇزىلىك تۋريستىك ۇيىمىنىڭ (UNWTO) باس حاتشىسى زۋراب پولوليكاشۆيلي بۋرابايعا قىزىعۋشىلىق تانىتقانى ايتىلدى، دەپ حابارلايدى "ادىرنا" ۇلتتىق پورتالى پرەزيدەنت اكىمشىلىگىنىڭ ءباسپاسوز قىزمەتىنە سىلتەمە جاساپ.
«سوڭعى جىلدارى ءبىز قازاقستاندا تۋريزم ينفراقۇرىلىمىنىڭ بەلسەندى دامىپ كەلە جاتقانىن بايقادىق، بۇل ءسىزدىڭ ەلىڭىزدىڭ ايماقتاعى جەتەكشى تۋريستىك باعىتتاردىڭ بىرىنە اينالۋ نيەتىن دالەلدەيدى. بۇۇ-نىڭ دۇنيەجۇزىلىك تۋريستىك ۇيىمى وسى اۋقىمدى جوسپارلاردى جۇزەگە اسىرۋدا جان-جاقتى قولداۋ كورسەتۋگە دايىن. ءبىز حالىقارالىق تۋريستەر تاراپىنان قازاقستانعا دەگەن ۇلكەن قىزىعۋشىلىقتى كورىپ وتىرمىز، ءبىزدىڭ مىندەتىمىز وسى الەۋەتتى ىسكە اسىرۋعا كومەكتەسۋ»، - دەدى زۋراب پولوليكاشۆيلي ءوز سوزىندە.
پرەزيدەنت اكىمشىلىگى بۇۇ دۇنيەجۇزىلىك تۋريستىك ۇيىمىنىڭ باس حاتشىسى زۋراب پولوليكاشۆيليدىڭ قاتىسۋىمەن دوڭگەلەك ۇستەل ۇيىمداستىرعان. ءىس-شارا بارىسىندا قازاقستانداعى ءتۋريزمنىڭ تۇراقتى دامۋى ءسوز بولدى.
كەزدەسۋگە قاتىسۋشىلار بۋراباي شيپاجايىنا دا قىزىعۋشىلىق تانىتىپ، ترەندتەرىن، ينۆەستيتسيا تارتۋ مۇمكىندىكتەرىن، يننوۆاتسيالار مەن تسيفرلىق تەحنولوگيالاردى ەنگىزۋدى قاراستىردى.
