مىسالى، تسەلينوگراد اۋدانىندا ۇلتتىق جوبا اياسىندا 16 العاشقى مەديتسينالىق-سانيتارلىق كومەك مەكەمەسىن سالۋ جوسپارلانعان. بۇل نىسانداردى اشۋ كۇننەن كۇنگە تەز دامىپ كەلە جاتقان ەلوردالىق ايماقتىڭ تۇرعىندارىنا ءوز ەلدى مەكەندەرىنەن تىس جەرلەرگە شىقپاي-اق ساپالى مەديتسينالىق كومەك الۋىنا مۇمكىندىك بەرەدى.
اۋدان اكىمدىگىنەن اتاپ وتكەندەي، جاقىن ارادا مانشۇك، قارامەندى باتىر، رازدولنوە، وتەمىس اۋىلدارىنىڭ تۇرعىندارى الىسقا بارماي اق، مەديتسينالىق كومەك الا الادى. مەردىگەرلەر جۇمىستىڭ 35-45 پايىزىن ورىندادى: قابىرعالاردى قالاۋ، ىشكى قابىرعالاردى سىلاۋ جۇمىستارى اياقتالدى، پاراپەتتەر مەن جەلدەتۋ شاحتالارىن ورناتۋ باستالدى، شاتىردى ورناتۋعا دايىندىق جۇمىستارى جۇرگىزىلىپ جاتىر.
سونىمەن قاتار، تسەلينوگراد اۋدانىندا نۇرەسىل، ارايلى، ىنتىماق، پريرەچنوە، ورازاق، تونكەرىس، جاڭعىزقۇدىق اۋىلدارىندا دارىگەرلىك امبۋلاتوريالار مەن فەلدشەرلىك-اكۋشەرلىك پۋنكتتەردىڭ قۇرىلىسى قارقىن العان. كەيبىر قۇرىلىس الاڭدارىندا شۇڭقىرلاردى قازۋ جانە قايتا تولتىرۋ، قۇرىلىسقا نەگىزدى تەگىستەۋ جۇمىستارى جۇرگىزىلۋدە، باسقالارىندا ارماتۋراسى بار عيماراتتاردىڭ ىرگەتاستارى ورناتىلدى، كارىز جانە سۋ قۇبىرلارى توسەلدى، سىرتقى جانە ىشكى ينجەنەرلىك جەلىلەردى ورناتۋ جۇمىستارى باستالدى.
وبلىستىق ىشكى ساياسات باسقارماسىنىڭ مالىمەتىنشە، بيىل بارلىعى 11 نىساندى تاپسىرۋ جوسپارلانۋدا.
زەرەندى اۋدانىندا «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى بويىنشا تاعى بىرنەشە مەديتسينالىق ۇيىمدار سالىنۋدا. ايدابول اۋىلىندا قۇرىلىسشىلار جاڭا دارىگەرلىك امبۋلاتوريا سالىپ جاتىر. اۋدان اكىمدىگىنىڭ مالىمەتىنشە، جوبا بويىنشا ناۋقاستاردى قابىلداۋعا ارنالعان ءۇش مامانداندىرىلعان ءۇي-جاي ورنالاسقان ءبىر قاباتتى عيمارات سالۋدى قاراستىرىلعان. ينجەنەرلىك جەلىلەردى امبۋلاتورياعا جەتكىزۋ ءۇشىن قاراجات بولۋگە بيۋدجەتتىك ءوتىنىم جولداندى.
«جاڭا نىساندار اۋىل تۇرعىندارى ءۇشىن مەديتسينالىق قىزمەتتەردىڭ قولجەتىمدىلىگىن جاقسارتۋعا مۇمكىندىك بەرەتىنى ءسوزسىز»، – دەپ اتاپ ءوتتى اۋدان اكىمدىگىنىڭ ءباسپاسوز قىزمەتى.
ال زەرەندى اۋدانى مالىك عابدۋللين اۋىلىندا فەلدشەرلىك-اكۋشەرلىك پۋنكتتىڭ قۇرىلىسى باستالدى. سونىمەن قاتار ينجەنەرلىك جەلىلەردى سالۋعا تەندەر وتكىزىلەدى.
اۋدان اكىمدىگىنىڭ مالىمەتىنشە، قازىر قۇرىلىس الاڭىندا جەر تەلىمىن ازىرلەۋ جۇمىستارى جۇرگىزىلۋدە. جوبا بويىنشا 360 شارشى مەترلىك ءبىر قاباتتى فاپ عيماراتىندا فەلدشەرلىك كابينەت، زەرتحانالار جانە باسقا دا ءۇي-جايلار بولادى. جاڭا عيماراتتا بەس جۇزگە جۋىق اۋىل تۇرعىندارى بارلىق قاجەتتى قىزمەتتەردى، سونىڭ ىشىندە فيزيوتەراپيانى الا الادى.
«بۇل شارالاردىڭ بارلىعى اقمولا وبلىسىندا دەنساۋلىق ساقتاۋ ينفراقۇرىلىمىن جاڭعىرتۋعا جانە مەديتسينالىق قىزمەت كورسەتۋ ساپاسىن ارتتىرۋعا باعىتتالعان. ال بۇل ءوز كەزەگىندە تۇرعىنداردىڭ دەنساۋلىعى مەن ءال – اۋقاتىن جاقسارتۋعا سەپتىگىن تيگىزەدى»، - دەپ اتاپ ءوتتى وبلىستىق ىشكى ساياسات باسقارماسىنان.
