Mysaly, elınograd aýdanynda ulttyq joba aıasynda 16 alǵashqy medıınalyq-sanıtarlyq kómek mekemesin salý josparlanǵan. Bul nysandardy ashý kúnnen kúnge tez damyp kele jatqan elordalyq aımaqtyń turǵyndaryna óz eldi mekenderinen tys jerlerge shyqpaı-aq sapaly medıınalyq kómek alýyna múmkindik beredi.
Aýdan ákimdiginen atap ótkendeı, jaqyn arada Mánshúk, Qaramendi batyr, Razdolnoe, Ótemis aýyldarynyń turǵyndary alysqa barmaı aq, medıınalyq kómek ala alady. Merdigerler jumystyń 35-45 paıyzyn oryndady: qabyrǵalardy qalaý, ishki qabyrǵalardy sylaý jumystary aıaqtaldy, parapetter men jeldetý shahtalaryn ornatý bastaldy, shatyrdy ornatýǵa daıyndyq jumystary júrgizilip jatyr.
Sonymen qatar, elınograd aýdanynda Nuresil, Araıly, Yntymaq, Prırechnoe, Orazaq, Tónkeris, Jańǵyzqudyq aýyldarynda dárigerlik ambýlatorııalar men feldsherlik-akýsherlik pýnktterdiń qurylysy qarqyn alǵan. Keıbir qurylys alańdarynda shuńqyrlardy qazý jáne qaıta toltyrý, qurylysqa negizdi tegisteý jumystary júrgizilýde, basqalarynda armatýrasy bar ǵımarattardyń irgetastary ornatyldy, káriz jáne sý qubyrlary tóseldi, syrtqy jáne ishki ınjenerlik jelilerdi ornatý jumystary bastaldy.
Oblystyq ishki saıasat basqarmasynyń málimetinshe, bıyl barlyǵy 11 nysandy tapsyrý josparlanýda.
Zerendi aýdanynda «Aýyldyq densaýlyq saqtaýdy jańǵyrtý» ulttyq jobasy boıynsha taǵy birneshe medıınalyq uıymdar salynýda. Aıdabol aýylynda qurylysshylar jańa dárigerlik ambýlatorııa salyp jatyr. Aýdan ákimdiginiń málimetinshe, joba boıynsha naýqastardy qabyldaýǵa arnalǵan úsh mamandandyrylǵan úı-jaı ornalasqan bir qabatty ǵımarat salýdy qarastyrylǵan. Injenerlik jelilerdi ambýlatorııaǵa jetkizý úshin qarajat bólýge bıýdjettik ótinim joldandy.
«Jańa nysandar aýyl turǵyndary úshin medıınalyq qyzmetterdiń qoljetimdiligin jaqsartýǵa múmkindik beretini sózsiz», – dep atap ótti aýdan ákimdiginiń baspasóz qyzmeti.
Al Zerendi aýdany Málik Ǵabdýllın aýylynda feldsherlik-akýsherlik pýnkttiń qurylysy bastaldy. Sonymen qatar ınjenerlik jelilerdi salýǵa tender ótkiziledi.
Aýdan ákimdiginiń málimetinshe, qazir qurylys alańynda jer telimin ázirleý jumystary júrgizilýde. Joba boıynsha 360 sharshy metrlik bir qabatty FAP ǵımaratynda feldsherlik kabınet, zerthanalar jáne basqa da úı-jaılar bolady. Jańa ǵımaratta bes júzge jýyq aýyl turǵyndary barlyq qajetti qyzmetterdi, sonyń ishinde fızıoterapııany ala alady.
«Bul sharalardyń barlyǵy Aqmola oblysynda densaýlyq saqtaý ınfraqurylymyn jańǵyrtýǵa jáne medıınalyq qyzmet kórsetý sapasyn arttyrýǵa baǵyttalǵan. Al bul óz kezeginde turǵyndardyń densaýlyǵy men ál – aýqatyn jaqsartýǵa septigin tıgizedi», - dep atap ótti oblystyq ishki saıasat basqarmasynan.
