شىمكەنت قالاسىنىڭ اكىمى عابيت سىزدىقبەكوۆ پەن قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ «Shymkent Hub» وڭىرلىك تەحنوپاركىنىڭ اشىلۋىنا قاتىستى. جاڭا ورتالىقتىڭ نەگىزگى ماقساتى-تەحنولوگيالىق كاسىپكەرلىكتى وركەندەتۋ، ستارتاپ-مادەنيەتتى قالىپتاستىرۋ، IT-سالانى جانە تسيفرلىق ءبىلىم بەرۋدى دامىتۋ.
اشىلۋ اياسىندا IT-ستارتاپتاردىڭ، IT-كومپانيالاردىڭ، روبوتوتەحنيكا مەكتەبىنىڭ جانە Tech Orda باعدارلاماسىنا قاتىسۋشى جەكە IT-مەكتەپتەردىڭ، سونداي – اق شىمكەنت قالاسىنىڭ يننوۆاتسيالىق جوبالارىنىڭ كورمەسى ۇيىمداستىرىلدى.
«Shymkent Hub «Astana Hub» ءبىلىم بەرۋ جانە ينكۋباتسيالىق باعدارلامالارىن ىسكە اسىرۋعا ارنالعان پلاتفورما بولادى. ونىڭ اۋماعىندا بەلسەندى IT-قوعامداستىقتىڭ قالىپتاسۋىنا ىقپال ەتەتىن ءتۇرلى ءىس-شارالار وتەدى.
ستارتاپ-جوبالاردى ازىرلەۋ بارىسىندا قاتىسۋشىلار كاسىپكەرلىك نەگىزدەرىن، ينۆەستيتسيالاردى تارتۋدا قولداۋدى، قارجىلىق ەسەپ جۇرگىزۋدى جانە باسقا دا قاجەتتى داعدىلاردى ۇيرەنەدى.
ەستەرىڭىزگە سالا كەتەيىك، مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىندا وڭىرلىك دەڭگەيدە يننوۆاتسيالىق ەكوجۇيەنى كەڭەيتۋدىڭ ماڭىزدىلىعىن اتاپ وتكەن بولاتىن.
