بۇگىن، 2 قىركۇيەك كۇنى مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالايدى، دەپ حابارلادى “ادىرنا” ۇلتتىق پورتالى.
اقوردانىڭ حابارلاۋىنشا، پرەزيدەنت جولداۋى ساعات 11:00-دە بارلىق رەسپۋبليكالىق تەلەارنالاردان تىكەلەي ەفيردە كورسەتىلەدى.
سونداي-اق Aqorda تەلەگرام ارناسىندا ءماتىن تۇرىندە ترانسلياتسيا جۇرەدى.
«جيىنعا سەنات پەن ءماجىلىس دەپۋتاتتارى، ورتالىق مەملەكەتتىك ورگانداردىڭ باسشىلارى، ۇلتتىق قۇرىلتاي، ادام قۇقىقتارى جونىندەگى كوميسسيانىڭ، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى، قوعام وكىلدەرى جانە ەڭبەك ۇجىمدارى قاتىسادى»، — دەپ حابارلادى اقوردا.
پرەزيدەنت جولداۋىندا ەلىمىزدىڭ ساياسي جانە الەۋمەتتىك-ەكونوميكالىق دامۋ پەرسپەكتيۆالارىنا قاتىستى ماسەلەلەر قامتىلادى.
