ءبىرىنشى قىركۇيەك - ءبىلىم كۇنى قوسشى قالاسىندا 1200 ورىندىق مەكتەپ اشىلىپ، العاشقى قوڭىراۋ سالتاناتى ءوتتى.
سالتاناتتى شاراعا قوسشى قالاسىنىڭ اكىمى گايدار قاسەنوۆ، اقمولا وبلىسى ءبىلىم باسقارماسى باسشىسىنىڭ ورىنباسارى ۆالەري گامازوۆ قاتىسىپ، قۇتتىقتاۋ ءسوزىن سويلەپ، وقۋشىلار مەن ۇستازدار قاۋىمىنا ساتتىلىك تىلەدى.
حالىق سانى قارقىندى ءوسىپ كەلە جاتقان قوسشى قالاسىندا وقۋشىلار سانى 11 مىڭنان استى.
ءۇش قاباتتى زاماناۋي عيماراتتا ءبىلىم الۋ ءۇشىن بارلىق جاعداي جاسالعان. مەكتەپتە 48 پاندىك كابينەت، كىتاپحانا، مەتالل جانە اعاش وڭدەۋ شەبەرحانالارى، تىگىن شەبەرحاناسى، اس ءۇي جابدىقتالعان.
سونداي-اق، 2 سپورت زالى، سالتانات زالى، كەڭ اسحانا جانە مەديتسينالىق كابينەت بار. جاڭا وقۋ جىلىندا 500-دەن استام وقۋشى وسى مەكتەپتىڭ تابالدىرىعىن اتتاماق، ولاردى 35 پەداگوگ وقىتاتىن بولادى. جوبا وبلىستىق بيۋدجەت ەسەبىنەن «فبك دەلو» جشس مەردىگەرلىك ۇيىمىمەن ىسكە اسىرىلدى.
№4 ورتا مەكتەپ جاڭا وقۋ جىلىنا تولىقتاي دايىن. قازاق تىلىندە ءبىلىم بەرەتىن مەكتەپ، وقۋشىلار مەن ۇستازدارعا بار جايلىلىقتى ۇسىنىپ، جوعارى كاۋىپسىزدىكتە ءبىلىم الۋدى كامتاماسىز ەتە الاتىن، زاماناۋي مۇمكىندىكتەر بەرەرى ءسوزسىز.
قوسشى قالا مارتەبەسىن العان ءۇش جىل ىشىندە بۇل اشىلىپ وتىرعان ءتورتىنشى مەكتەپ. بارلىعى قوسشى قالاسىندا 8 مەكتەپ وقۋشىلارعا ءبىلىم بەرۋدە.
