Birinshi qyrkúıek - bilim kúni Qosshy qalasynda 1200 oryndyq mektep ashylyp, alǵashqy qońyraý saltanaty ótti.
Saltanatty sharaǵa Qosshy qalasynyń ákimi Gaıdar Qasenov, Aqmola oblysy bilim basqarmasy basshysynyń orynbasary Valerıı Gamazov qatysyp, quttyqtaý sózin sóılep, oqýshylar men ustazdar qaýymyna sáttilik tiledi.
Halyq sany qarqyndy ósip kele jatqan Qosshy qalasynda oqýshylar sany 11 myńnan asty.
Úsh qabatty zamanaýı ǵımaratta bilim alý úshin barlyq jaǵdaı jasalǵan. Mektepte 48 pándik kabınet, kitaphana, metall jáne aǵash óńdeý sheberhanalary, tigin sheberhanasy, as úı jabdyqtalǵan.
Sondaı-aq, 2 sport zaly, saltanat zaly, keń ashana jáne medıınalyq kabınet bar. Jańa oqý jylynda 500-den astam oqýshy osy mekteptiń tabaldyryǵyn attamaq, olardy 35 pedagog oqytatyn bolady. Joba oblystyq bıýdjet esebinen «FBK DELO» JShS merdigerlik uıymymen iske asyryldy.
№4 orta mektep jańa oqý jylyna tolyqtaı daıyn. Qazaq tilinde bilim beretin mektep, oqýshylar men ustazdarǵa bar jaılylyqty usynyp, joǵary kaýipsizdikte bilim alýdy kamtamasyz ete alatyn, zamanaýı múmkindikter bereri sózsiz.
Qosshy qala mártebesin alǵan úsh jyl ishinde bul ashylyp otyrǵan tórtinshi mektep. Barlyǵy Qosshy qalasynda 8 mektep oqýshylarǵa bilim berýde.
