«مەكتەپكە جول» رەسپۋبليكالىق قايىرىمدىلىق اكتسياسى 1 تامىزدا باستاۋىن العان بولاتىن.
اكتسيانىڭ ماقساتى - از قامتىلعان، كوپ بالالى، تۇرمىسى تومەن وتباسىلارداعى بالالارعا، جەتىم بالالارعا، اتا-اناسىنىڭ قامقورلىعىنسىز قالعان بالالارعا الەۋمەتتىك كومەك كورسەتۋ، الەۋمەتتىك سەبەپتەر بويىنشا بالالاردىڭ مەكتەپكە كەلمەۋىنىڭ الدىن الۋ.
اكتسيانى وتكىزۋگە اۋدان جانە وبلىس اكىمدىكتەرى، مەملەكەتتىك قۇرىلىمدار بەلسەندى قاتىسىپ، كومەك كورسەتۋدە. رەسپۋبليكالىق اكتسيانى وتكىزۋگە وبلىستىڭ بيزنەس-قۇرىلىمدارى دا قاتىستى. مىسالى، «اقنيەت» جەكە قايىرىمدىلىق قورى بالالارعا 12 ملن. تەڭگەگە كەڭسە تاۋارلارى بار 1199 مەكتەپ ريۋكزاكتارىن ۇسىندى.
اقمولا وبلىسىنىڭ پوليتسيا دەپارتامەنتى ءوڭىردىڭ 81 وقۋشىسىنا جالپى سوماسى 4 ملن. 100 مىڭعا جۋىق تەڭگەگە قايىرىمدىلىق كومەك كورسەتتى. «Amanat» پارتياسىنىڭ وبلىستىق فيليالى 21 بالاعا قولداۋ كورسەتتى. سونداي-اق، قر مەملەكەتتىك قىزمەت ىستەرى بويىنشا اگەنتتىگىنىڭ اقمولا وبلىسى بويىنشا دەپارتامەنتى، «ۇلتتىق بانك» جانە «بەرەكە بانك» شەتىندە قالعان جوق.
كەڭسە كەرەك-جاراقتارىن، مەكتەپ، سپورت نىساندارى مەن اياق كيىمدەردى، ماۋسىمدىق اياق كيىمدەر مەن فورمانى، سونداي-اق اقشالاي قاراجاتتاردى ساتىپ الۋعا كومەك كورسەتتى.
«مەكتەپكە جول» اكتسياسىن وتكىزۋ كەزىندە وبلىس اۋداندارىندا (قالالارىندا) 249 رەيدتىك ءىس-شارا وتكىزىلدى، وعان جۇرتشىلىق، مەملەكەتتىك قۇرىلىمدار وكىلدەرىنىڭ قاتارىنان (اكتسياعا قاتىسۋشىلار) 112 ادام قاتىستى.
175 تۇرمىسى ناشار وتباسى، 34 ويىن-ساۋىق مەكەمەسى، 4 كومپيۋتەرلىك كلۋب، 14 ساياجاي شارۋاشىلىعى، 13 بازار، 9 تەمىرجول ۆوكزالى تەكسەرىلدى. جۇرگىزىلگەن رەيدتەر ناتيجەسىندە 63 كامەلەتكە تولماعاندار انىقتالدى، ولاردىڭ 60-ى قولايسىز وتباسىلاردان.
«وبلىس بويىنشا ماتەريالدىق كومەك العانداردىڭ جالپى سانى 20790 بالا، كورسەتىلگەن ماتەريالدىق كومەك سوماسى 823,7 ملن.تەڭگەنى قۇرادى. ونىڭ ىشىندە بيۋدجەت قاراجاتى ەسەبىنەن 798,5 ملن. تەڭگە سوماسىنا 18399 وقۋشىعا، بيۋدجەتتەن تىس قاراجات ەسەبىنەن 25,2 ملن. تەڭگە سوماسىنا 2391 وقۋشىعا كومەك كورسەتىلدى»، - دەدى وبلىستىق ءبىلىم باسقارماسىنىڭ باس مامانى باقىتجان تۇتقاباەۆا.
سونداي-اق، وبلىس اۋداندارىندا اۋداندىق كاسىپكەرلەردىڭ قاتىسۋىمەن مەكتەپ جارمەڭكەلەرى ءوتتى.
