الماتىدا ايسۇلتان نازارباەۆتى ەسكە الۋعا ارنالعان بالالار اراسىنداعى فۋتبول ءتۋرنيرى ءوتتى. اتالمىش شاراعا داريعا نازارباەۆا دا قاتىسقان. بۇل تۋرالى جۋرناليست سىرىم يتقۇلوۆ تالەگرام ارناسىندا جازدى، دەپ حابارلايدى “ادىرنا” ۇلتتىق پورتالى.
«مىنە، داريعا نازارباەۆا كورىندى. ول الماتىدا ايسۇلتان نازارباەۆتى ەسكە الۋعا ارنالعان فۋتبولدان بالالار تۋرنيرىنە قاتىسۋدا»، - دەدى جۋرناليست سىرىم يتقۇلوۆ.
AR Cup بالالار فۋتبول ءتۋرنيرىنىڭ Instagram پاراقشاسىندا بۇل ويىن جىل سايىن وتكىزىلەتىنى جازىلعان. ۇيىمداستىرۋشىلار جارىستىڭ باستى ماقساتى – جاستار اراسىندا وتاندىق فۋتبولدى دامىتۋ دەيدى.
ايتا كەتسەك، ايسۇلتان راحات (نازارباەۆ) – مارقۇم راحات اليەۆ پەن داريعا نازارباەۆانىڭ ۇلى. 2020 جىلدىڭ 16 تامىزىندا 29 جاستاعى ايسۇلتان راحاتتىڭ دەنەسى لوندوندا تابىلعان بولاتىن. ءولىمنىڭ الدىن الا سەبەبى – جۇرەك توقتاۋى.
