اقمولا وبلىسى ىشكى ساياسات باسقارماسىنىڭ مالىمەتىنشە، بۇگىن كوكشەتاۋ قالاسىندا جالپى رەسپۋبليكالىق «تازا كوكشەتاۋ» جوباسىن قولداۋ ماقساتىندا ەكولوگيالىق اكتسياسى ءوتتى. ءىس-شاراعا جاستار ۇيىمدارىنىڭ باسشىلارى، ازاماتتىق سەكتور وكىلدەرى، قالالىق ءماسليحات دەپۋتاتتارى، سونداي-اق بەلسەندى جاستار، ەرىكتىلەر جانە «جاسىل ەل» جاۋىنگەرلەرىنەن قۇرالعان بارلىعى 500-گە جۋىق ادام قاتىستى.
ءىس-شارانىڭ نەگىزگى ماقساتى «ادال ادام–ادال ەڭبەك– ادال تابىس» تۇجىرىمداماسى نەگىزىندە قالا تۇرعىندارىنىڭ ەكولوگيالىق مادەنيەتىن ارتتىرۋ، تابيعاتقا، قورشاعان ورتاعا ۇقىپتى قاراۋ قۇندىلىقتارىن دارىپتەۋ بولىپ تابىلادى.
اكتسيا شەڭبەرىندە قالا تۇرعىندارى باقىلاۋ الاڭىن تازارتىپ، «تاۋەلسىزدىك» تۋ تۇعىرىن اباتتاندىرىپ، كوكشەتاۋ قالاسىنىڭ تاۋ بوكتەرىن قوقىستان تازارتتى.
«اقمولا وبلىسىنىڭ تۇرعىندارى مەملەكەت باسشىسى قاسىم-جومارت توقاەۆ باستاماشىلىق ەتكەن «تازا قازاقستان» جوباسىن بەلسەندى قولدايدى. بۇل جوبا تابيعاتقا، ءوز ۇيىنە ۇقىپتى قاراۋعا باعىتتالعان»، – دەيدى وبلىستىڭ بەلسەندى جاستارىنىڭ ءبىرى ناريمان مەندىباەۆ .
جەرگىلىكتى اتقارۋشى ورگاندار، كوممۋنالدىق قىزمەتتەرمەن ۇيىمدار وكىلدەرىنىڭ، قوعام قايراتكەرلەرىنىڭ، بەلسەندىلەر مەن تۇرعىنداردىڭ بىرلەسكەن كۇش-جىگەرىمەن قوعامدىق ورىنداردان تۇرمىستىق قوقىستار تازالاۋ اكتسيالارى جۇرگىزىلۋدە.
جالپى، «تازا قازاقستان» ەكولوگيالىق اكتسياسى باستالعان ساتتەن باستاپ، اقمولا وبلىسى بويىنشا 550-دەن استام ەلدى مەكەن قامتىلىپ، 80 مىڭ توننا قوقىس شىعارىلدى. تاريحي-مادەني ەسكەرتكىشتەردىڭ اۋماعىن اباتتاندىرۋ بويىنشا جۇمىستار جۇرگىزىلىپ، 200-گە جۋىق كوشەت وتىرعىزىلىپ، ەكپەلەردى اكتەۋ، سۋ ايدىندارى-وزەندەر مەن كولدەردىڭ اينالاسىن قوقىستان تازارتۋ، 400 بالالار الاڭى اباتتاندىرىلىپ، تۇرعىن ۇيلەر مەن قوعامدىق عيماراتتاردىڭ قاسبەتتەرى جوندەلدى.
وبلىس بويىنشا بارلىعى 500 مىڭعا جۋىق ادامنىڭ قاتىسۋىمەن 3500-گە جۋىق ءبىر رەتتىك ەكولوگيالىق ءىس-شارالار وتكىزىلدى.
