Aqmola oblysy ishki saıasat basqarmasynyń málimetinshe, búgin Kókshetaý qalasynda jalpy respýblıkalyq «Taza Kókshetaý» jobasyn qoldaý maqsatynda ekologııalyq akııasy ótti. Is-sharaǵa jastar uıymdarynyń basshylary, azamattyq sektor ókilderi, qalalyq máslıhat depýtattary, sondaı-aq belsendi jastar, eriktiler jáne «Jasyl El» jaýyngerlerinen quralǵan barlyǵy 500-ge jýyq adam qatysty.
Is-sharanyń negizgi maqsaty «Adal adam–Adal eńbek– Adal tabys» tujyrymdamasy negizinde qala turǵyndarynyń ekologııalyq mádenıetin arttyrý, tabıǵatqa, qorshaǵan ortaǵa uqypty qaraý qundylyqtaryn dáripteý bolyp tabylady.
Akııa sheńberinde qala turǵyndary baqylaý alańyn tazartyp, «Táýelsizdik» Tý tuǵyryn abattandyryp, Kókshetaý qalasynyń taý bókterin qoqystan tazartty.
«Aqmola oblysynyń turǵyndary Memleket basshysy Qasym-Jomart Toqaev bastamashylyq etken «Taza Qazaqstan» jobasyn belsendi qoldaıdy. Bul joba tabıǵatqa, óz úıine uqypty qaraýǵa baǵyttalǵan», – deıdi oblystyń belsendi jastarynyń biri Narıman Mendybaev .
Jergilikti atqarýshy organdar, kommýnaldyq qyzmettermen uıymdar ókilderiniń, qoǵam qaıratkerleriniń, belsendiler men turǵyndardyń birlesken kúsh-jigerimen qoǵamdyq oryndardan turmystyq qoqystar tazalaý akııalary júrgizilýde.
Jalpy, «Taza Qazaqstan» ekologııalyq akııasy bastalǵan sátten bastap, Aqmola oblysy boıynsha 550-den astam eldi meken qamtylyp, 80 myń tonna qoqys shyǵaryldy. Tarıhı-mádenı eskertkishterdiń aýmaǵyn abattandyrý boıynsha jumystar júrgizilip, 200-ge jýyq kóshet otyrǵyzylyp, ekpelerdi ákteý, sý aıdyndary-ózender men kólderdiń aınalasyn qoqystan tazartý, 400 balalar alańy abattandyrylyp, turǵyn úıler men qoǵamdyq ǵımarattardyń qasbetteri jóndeldi.
Oblys boıynsha barlyǵy 500 myńǵa jýyq adamnyń qatysýymen 3500-ge jýyq bir rettik ekologııalyq is-sharalar ótkizildi.
