وزبەكستان پرەزيدەنتى قازاقستاننىڭ بىرنەشە شەنەۋنىكتەرىن ماراپاتتادى، دەپ حابارلايدى “ادىرنا” ۇلتتىق پورتالى.
پرەزيدەنت شاۆكات ميرزيەەۆ قازاقستاننىڭ بىرنەشە ازاماتىن «دۋستليك» («دوستىق») وردەنىمەن ماراپاتتاۋ تۋرالى جارلىققا قول قويدى.
ماراپاتتالعان ازاماتتار قاتارىندا:
1) قارين ەرلان تىنىمبايۇلى – مەملەكەتتىك كەڭەسشى;
2) جەلدىباي رۋسلان سۇلتانۇلى – پرەزيدەنتتىڭ ىشكى ساياسات جانە كوممۋنيكاتسيالار جونىندەگى كومەكشىسى;
3) جۇمانعارين سەرىك ماقاشۇلى – ۆيتسە-پرەمەر;
4) بالاەۆا ايدا عالىمقىزى – مادەنيەت جانە اقپارات ءمينيسترى;
5) اتامقۇلوۆ بەيبىت باكىرۇلى – قازاقستاننىڭ وزبەكستانداعى توتەنشە جانە وكىلەتتى ەلشىسى;
6) حاشيمجانوۆ يكرام اكراموۆيچ – قازاقستان رەسپۋبليكاسى وزبەكتەرىنىڭ ەتنومادەني بىرلەستىگى اسسوتسياتسياسىنىڭ توراعاسى.
اتالمىش ماراپات ازاماتتاردىڭ ەكى ەل اراسىنداعى ءوزارا دوستىق پەن تاتۋلىقتى، بەيبىتشىلىك پەن سەنىمدى نىعايتۋعا ۇلەس قوسقانى ءۇشىن تابىستالعان.
