رەسەيدىڭ ۆولگوگراد وبلىسىندا تۇتقىندار №19 قاتاڭ رەجيمدەگى كولونيانى باسىپ الدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
بۇلىك ءتارتىپ كوميسسياسىنىڭ وتىرىسى كەزىندە بولعان. باسىلىمنىڭ مالىمەتىنشە، كەمىندە مەكەمەنىڭ ءبىر قىزمەتكەرى قازا بولىپ، بىرنەشە ادام جارالانعان.
سوتتالۋشىلار وزدەرىنە اۆتوكولىك پەن قارۋ-جاراق بەرۋدى، ايىپ اباقتىسىنان جەرلەستەرىن بوساتۋدى تالاپ ەتكەن. قازىرگى ۋاقىتتا ارنايى جاساق كەپىلگە الىنعانداردى بوساتتى.
ەسكە سالايىق، بۇعان دەيىن ماۋسىم ايىندا روستوۆ-نا-دونۋ قالاسىنداعى تەرگەۋ يزولياتورىندا دا تۇتقىندار كوتەرىلگەن ەدى.
