اقمولا وبلىسى مادەنيەت باسقارماسى «جوشى ۇلىسىنىڭ 800 جىلدىعى» جانە قر كونستيتۋتسيا كۇنىنە وراي 2024 جىلعى 19 تامىزدان 23 تامىزى ارالىعىندا ارحەولوگيالىق قازبا جۇمىسىن جۇرگىزدى.
"زەرەندى اۋدانى ۆاسيلكوۆكا اۋىلىنىڭ وڭتۇستىك - شىعىسىندا، شاعالالى وزەنىنىڭ بويىندا ورنالاسقان ورتا عاسىرلارعا جاتاتىن التىنتاۋ IX قورىمىندا ارحەولوگيالىق قازبا جۇمىستارىنىڭ ناتيجەسىندە مويىنعا تاعاتىن اسپالى قولا اينا تابىلدى", - دەدى اقمولا وبلىسى مادەنيەت باسقارماسىنان.
اتالمىش ەكسپەديتسياعا ارحەولوگ، ەۆرازيا ۇلتتىق ۋنيۆەرسەتىنىڭ ارحەولوگيا جانە ەتنولوگيا كافەدراسىنىڭ اعا وقىتۋشىسى دانيار تىلەۋقابىلوۆ، «تاريحي-مادەني مۇرانى قورعاۋ جانە پايدالانۋ ورتالىعىنىڭ» ديرەكتورى جاسۇلان ۇكەەۆ، اقىن، ولكەتانۋشى – جۋرناليست الماس تەمىرباي جانە ەۆرازيا ۇلتتىق ۋنيۆەرسيتەتىنىڭ ماگيسترانتتارى: مۇسا رىسبەرگەنوۆ، سۇلەيمان تلەكىشەۆ، ءامىر تاگلەنوۆ، ارتۋر مۋحامەتزيانوۆ جانە وزەن ورتا مەكتەبىنىڭ مۇعالىمى شىنبولات ورالوۆ وقۋشىلارىمەن قاتىستى.
