اسقار بياحمەتوۆ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇل تۋرالى بۇگىن، 23 تامىزدا ۇكىمەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
اسقار ساقتاعانۇلى 1975 جىلى اقتوبە وبلىسىندا دۇنيەگە كەلگەن. قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا، قازمزا – «قۇقىقتانۋ» ماماندىعى بويىنشا، قر پرەزيدەنتى جانىنداعى مبا ۇمسم ماگيستراتۋراسىن «ساياساتتانۋ» ماماندىعى بويىنشا جانە ديۋك ۋنيۆەرسيتەتىن بىتىرگەن.
1993–2004 جىلدارى وبلىستىق قارجى باسقارماسىندا، «پروفيلاكتوري» وك، سالىق كوميتەتىندە، قالالىق اكىمدىكتە، سونداي-اق اقتوبە وبلىسىنىڭ قازىناشىلىق جانە قارجى باسقارمالارىندا باسشىلىق لاۋازىمداردا جۇمىس ىستەدى.
اقمولا وبلىسى بويىنشا قازىناشىلىق دەپارتامەنتىنىڭ باستىعى، قر كونستيتۋتسيالىق كەڭەسىنىڭ ءبولىم مەڭگەرۋشىسى، ۇلتتىق ەكونوميكا مينيسترلىگىنىڭ مەملەكەتتىك باسقارۋ جۇيەسىن دامىتۋ دەپارتامەنتىنىڭ ديرەكتورى قىزمەتتەرىن اتقارعان.
2015-2018 جىلدارى — اقتوبە وبلىسى اكىمىنىڭ ورىنباسارى;
2019-2020 جىلدارى — قر پرەمەر-ءمينيسترى ءبىرىنشى ورىنباسارىنىڭ كەڭەسشىسى;
2020-2023 جىلدارى — قر پرەمەر-ءمينيسترى كەڭسەسى باسشىسىنىڭ ورىنباسارى;
2023 جىلعى اقپاننان باستاپ قازىرگى ۋاقىتقا دەيىن — قر ۇكىمەتى اپپاراتى باسشىسىنىڭ ورىنباسارى بولدى.
