فرانتسيا استاناسى پاريج قالاسىندا وتەتىن پاراليمپيادا ويىندارىنىڭ سالتاناتتى اشىلۋ كەشىندە قازاقستان تۋىن كىمدەر الىپ شىعاتىنى انىقتالدى، دەپ حابارلايدى “ادىرنا” ۇلتتىق پورتالى.
پاراليمپيادا ويىندارىندا ەل تۋىن ۆولەيبول سپورتشىسى بەرىك ىزماعانبەتوۆ پەن پارا نىسانا كوزدەۋشى سەۆدا اليەۆا ۇستاپ شىقپاق.
ەلىمىز پارا سپورتشىلار وليمپيادا ويىندارىنا وسىمەن سەگىزىنشى مارتە قاتىسقالى وتىر.
پاريج پاراليمپياداسىنا قازاقستان قۇراماسى 33 ليتسەنزيا جەڭىپ العان بولاتىن. ونىڭ ىشىندە سپورتتىڭ 9 تۇرىنەن: پارا ءجۇزۋ، پارا پاۋەرليفتينگ، پارا جەڭىل اتلەتيكا، پارا كانوە، پارا تاەكۆوندو، ۆولەيبولدى وتىرىپ ويناۋ، پارا نىسانا كوزدەۋ، پارا ۇستەل تەننيسى، پارا دزيۋدودان 44 سپورتشى باق سىنايدى.
