قازاقستاندىق بالۋان ءجاميلا باقبەرگەنوۆا الەم چەمپيوناتىنىڭ قولا جۇلدەگەرى اتاندى، دەپ حابارلايدى "ادىرنا".
سپورتشى ءجاميلا باقبەرگەنوۆا سەربيا استاناسى بەلگراد قالاسىندا كۇرەس تۇرلەرىنەن ءوتىپ جاتقان جارىستا قولا ءۇشىن جەكپە-جەكتە پولشالىق ناتاليا يۆونا ستشالكامەن كەزدەسىپ، ونى 4-1 ەسەبىمەن جەڭدى.
وتانداسىمىز 72 كەلى سالماقتا چەمپيوناتتى 1/8 اينالىمنان باستاپ، ەۋروپا چەمپيوناتىنىڭ قولا جۇلدەگەرى سەربيالىق سپورشى فانني ناگيدى، كەيىن رەسەيدىڭ بالۋانى كسەنيا بۋراكوۆانى جەڭدى.
الايدا جارتىلاي فينالدا جەرلەسىمىز موڭعوليالىق دااۆاناسان ەنكح امارعا ەسە جىبەرىپ الدى. جەكپە-جەك 2:6 ەسەبىمەن اياقتالدى.
بۇل 27 جاستاعى قازاقستاندىق سپورتشى ءجاميلانىڭ دۇنيەجۇزى باسەكەسىندەگى قاتارىنان ءۇشىنشى جۇلدەسى. ول 2019 جىلى وسلودا، بىلتىر بەلگرادتا كۇمىس جۇلدەگە يە بولعان.
ۇقساس جاڭالىقتار
