اقتوبە وبلىسىندا كارىز سۋىن سوراتىن بەكەتتە ەكى جۇمىسشى تۇنشىعىپ، قازا تاپتى، دەپ حابارلايدى “ادىرنا” ۇلتتىق پورتالى كتك-عا سىلتەپ.
قايعىلى وقيعا بىرەر كۇن بۇرىن بولعان. ولاردى قۇدىقتان شىعارۋعا بارعان تاعى ەكى جۇمىسشى ەسىنەن تانىپ، اۋرۋحاناعا تۇسكەن.
ەمبى قالاسىنداعى كەنتتە بەس كارىز سورعىسى بەكەتى بار. ونىڭ ءبىرىن جوندەۋگە بارعان جۇمىسشى بىرنەشە ۋاقىت بويى سىرتقا شىقپاي. ارتىنان مارقۇمنىڭ 58 جاستاعى ارىپتەسى بەكەتكە كىرگەن. بىراق ەكەۋى دە يىسكە ۋلانىپ، ءتىل تارتپاي، جان تاپسىرعان.
كەيىن كارىز بەكەتىندەگى ەسىنەن تانعاندارعا جاردەم بەرمەكشى بولعان 46 جانە 53 جاستاعى جۇمىسشىلاردىڭ دا جاعدايى تەكسەرىلىپ، اۋرۋحاناعا جەتكىزىلدى.
“كارىز جۇيەسىنە جوندەۋ جۇرگىزىپ جاتقان 1966 جىلعى ەكى ازامات قازا بولدى. قازىر سوت-مەديتسينالىق ساراپتاما تاعايىندالىپ، وقيعانىڭ ءمان-جايى انىقتالۋدا. مەكەمە تاراپىنان قازا بولعان جۇمىسشىلاردىڭ وتباسىنا ماتەريالدىق-مورالدىق كومەك كورسەتىلەتىن حابارلاي وتىرىپ، وتباسىنا قايعىرىپ كوڭىل ايتامىز”، - دەدى «ەمبى جىلۋ» كمك باس ينجەنەرى التىنبەك ماناباەۆ.
