Aqtóbe oblysynda káriz sýyn soratyn bekette eki jumysshy tunshyǵyp, qaza tapty, dep habarlaıdy “Adyrna” ulttyq portaly Ktk-ǵa siltep.
Qaıǵyly oqıǵa birer kún buryn bolǵan. Olardy qudyqtan shyǵarýǵa barǵan taǵy eki jumysshy esinen tanyp, aýrýhanaǵa túsken.
Embi qalasyndaǵy kentte bes káriz sorǵysy beketi bar. Onyń birin jóndeýge barǵan jumysshy birneshe ýaqyt boıy syrtqa shyqpaı. Artynan marqumnyń 58 jastaǵy áriptesi beketke kirgen. Biraq ekeýi de ıiske ýlanyp, til tartpaı, jan tapsyrǵan.
Keıin káriz beketindegi esinen tanǵandarǵa járdem bermekshi bolǵan 46 jáne 53 jastaǵy jumysshylardyń da jaǵdaıy tekserilip, aýrýhanaǵa jetkizildi.
“Káriz júıesine jóndeý júrgizip jatqan 1966 jylǵy eki azamat qaza boldy. Qazir sot-medıınalyq saraptama taǵaıyndalyp, oqıǵanyń mán-jaıy anyqtalýda. Mekeme tarapynan qaza bolǵan jumysshylardyń otbasyna materıaldyq-moraldyq kómek kórsetiletin habarlaı otyryp, otbasyna qaıǵyryp kóńil aıtamyz”, - dedi «Embi jylý» KMK bas ınjeneri Altynbek Manabaev.
