اقمولا وبلىسىنىڭ اكىمى مارات احمەتجانوۆ تسەلينوگراد اۋدانىنداعى «جايلى مەكتەپ» جوباسى اياسىندا سالىنىپ جاتقان ءبىلىم وشاقتارىنىڭ قۇرىلىسى بارىسىمەن تانىستى، - دەپ حابارلايدى وبلىس اكىمدىگىنىڭ ءباسپاسوز قىزمەتىنەن.
مەملەكەت باسشىسىنىڭ تىكەلەي تاپسىرماسى اياسىندا «جايلى مەكتەپ» ۇلتتىق جوباسى بويىنشا تسەلينوگراد اۋدانىندا 10 مىڭ ورىندىق 7 ءبىلىم وشاعى سالىنىپ جاتىر. بۇل ءبىلىم عيماراتتارى سوڭعى ۇلگى بويىنشا جابدىقتالادى. ياعني، مەكتەپتەردە زاماناۋي قۇرال-جابدىقتار مەن جيھازدار، جايلى كابينەتتەر جانە سپورت زالدار بولادى. سونداي-اق، جاۋاپتى مەردىگەر ۇيىمدار ءبىلىم وشاقتارىنىڭ اۋلاسىن اباتتاندىرماق.
تالاپكەر جانە قاراوتكەل اۋىلدارىنداعى مەكتەپتەرگە «KGS ساۋدا» جشس جاۋاپتى. قازىرگى ۋاقىتتا ءبىلىم وشاقتارىنىڭ اۋماعى اباتتاندىرىلىپ، تەحنولوگيالىق جابدىقتاردى ورناتۋ جۇمىستارى جۇرگىزىلىپ جاتىر.
ال، اقمول اۋىلىنداعى مەكتەپكە «ۋك ستروي» جشس جاۋاپتى. ءبىلىم وشاعىنا زاماناۋي قۇرال-جابدىقتار ساتىپ الىنىپ، ىشكى ارلەۋ جۇمىستارى اياقتالدى. قازىرگى تاڭدا اۋماعىن اباتتاندىرۋ جۇمىستارى باستالىپ كەتتى. ال، قوياندى اۋىلىنداعى ءبىلىم وشاعىن «BI GLobal» جشس سالىپ جاتىر. بۇگىنگى تاڭدا قاسبەت جۇمىستارى اياقتالىپ، ينجەنەرلىك جەلىلەر تارتىلدى.
وبلىس باسشىسى «جايلى مەكتەپ» ۇلتتىق جوباسىنا ەرەكشە كوڭىل اۋدارىپ، ونىڭ ماڭىزدىلىعىن اتاپ ءوتتى.
«مەملەكەت باسشىسى ءبىلىم سالاسىنا ەرەكشە كوڭىل ءبولىپ وتىر. «جايلى مەكتەپ» جوباسى اسياىندا ءبوي كوتەرىپ جاتقان ءبىلىم وشاقتارى تالاپقا ساي ءارى بالالار ءۇشىن قاۋىپسىز، قولجەتىمدى بولۋى كەرەك. ءبىلىم ساپاسى دا تالاپقا ساي بولۋى ءتيىس. ەڭ باستىسى، سالىنىپ جاتقان نىساندار ساپالى بولۋى كەرەك»، - دەدى وبلىس اكىمى.
جۇمىس ساپارى سوڭىندا ءوڭىر باسشىسى مارات احمەتجانوۆ جاۋاپتى مەردىگەرلەرمەن جانە مەملەكەتتىك ورگاندارمەن كەڭەس وتكىزدى. جيىن بارىسىندا ۇلتتىق جوبانى جۇزەگە اسىرۋداعى نەگىزگى ماسەلەلەردى، سونداي-اق دايىن عيماراتتاردى قابىلداۋ اسپەكتىلەرىن تالقىلادى.
«جاڭا وقۋ جىلىنىڭ باسىندا «جايلى مەكتەپ» جوباسى اياسىندا سالىنعان 4 مەكتەپتى اشۋدى جوسپارلاپ وتىرمىز. قۇرىلىس جۇمىستارىنان بولەك كادر ماسەلەسىنە دە نازار اۋدارۋ قاجەت. پرەزيدەنت قاسىم-جومارت توقاەۆ ايتىپ وتكەندەي، وقىتۋ ادىستەرى جاڭاشىل جانە ءار بالادا جەكە كوزقاراس بولۋ كەرەك. ءبىلىم باسقارماسى جاڭادان اشىلاتىن مەكتەپتەردىڭ وقۋ ۇدەرىسىن ۇيىمداستىرۋدى قامتاماسىز ەتىپ، پەداگوگيكالىق جانە باسقا دا قاجەتتى كادرلاردى دايىنداۋى ءتيىس. سونداي-اق، وقۋشىلار سانىن تولتىرۋ دا ماڭىزدى. سونىمەن قاتار، تاماقتاندىرۋ، ليتسەنزيالىق كۇزەت، قاۋىپسىزدىك تەحنيكاسىنا ەرەكشە كوڭىل ءبولىپ، شەشۋ قاجەت. ءبىلىم وشاقتارىنداعى قالعان قاجەتتى جۇمىستاردى تەزدەتۋدى تاپسىرامىن»، - دەپ تۇيىندەدى ايماق باسشىسى ءوز ءسوزىن.
ايتا كەتەيىك، 2025 جىلى وڭىردە «جايلى مەكتەپ» ۇلتتىق جوباسى اياسىندا 11 مىڭعا جۋىق ورىنعا ارنالعان تاعى 9 ءبىلىم وشاعى سالىناتىن بولادى. بۇگىنگى تاڭدا وسى باعىتتا 30 گەكتاردى قۇرايتىن جەر تەلىمدەرى ءبولىنىپ وتىر.
