Aqmola oblysynyń ákimi Marat Ahmetjanov elınograd aýdanyndaǵy «Jaıly mektep» jobasy aıasynda salynyp jatqan bilim oshaqtarynyń qurylysy barysymen tanysty, - dep habarlaıdy oblys ákimdiginiń baspasóz qyzmetinen.
Memleket basshysynyń tikeleı tapsyrmasy aıasynda «Jaıly mektep» ulttyq jobasy boıynsha elınograd aýdanynda 10 myń oryndyq 7 bilim oshaǵy salynyp jatyr. Bul bilim ǵımarattary sońǵy úlgi boıynsha jabdyqtalady. Iaǵnı, mektepterde zamanaýı qural-jabdyqtar men jıhazdar, jaıly kabınetter jáne sport zaldar bolady. Sondaı-aq, jaýapty merdiger uıymdar bilim oshaqtarynyń aýlasyn abattandyrmaq.
Talapker jáne Qaraótkel aýyldaryndaǵy mektepterge «KGS Saýda» JShS jaýapty. Qazirgi ýaqytta bilim oshaqtarynyń aýmaǵy abattandyrylyp, tehnologııalyq jabdyqtardy ornatý jumystary júrgizilip jatyr.
Al, Aqmol aýylyndaǵy mektepke «ÝK Stroı» JShS jaýapty. Bilim oshaǵyna zamanaýı qural-jabdyqtar satyp alynyp, ishki árleý jumystary aıaqtaldy. Qazirgi tańda aýmaǵyn abattandyrý jumystary bastalyp ketti. Al, Qoıandy aýylyndaǵy bilim oshaǵyn «BI GLobal» JShS salyp jatyr. Búgingi tańda qasbet jumystary aıaqtalyp, ınjenerlik jeliler tartyldy.
Oblys basshysy «Jaıly mektep» ulttyq jobasyna erekshe kóńil aýdaryp, onyń mańyzdylyǵyn atap ótti.
«Memleket basshysy bilim salasyna erekshe kóńil bólip otyr. «Jaıly mektep» jobasy asıaynda bóı kóterip jatqan bilim oshaqtary talapqa saı ári balalar úshin qaýipsiz, qoljetimdi bolýy kerek. Bilim sapasy da talapqa saı bolýy tıis. Eń bastysy, salynyp jatqan nysandar sapaly bolýy kerek», - dedi oblys ákimi.
Jumys sapary sońynda óńir basshysy Marat Ahmetjanov jaýapty merdigerlermen jáne memlekettik organdarmen keńes ótkizdi. Jıyn barysynda ulttyq jobany júzege asyrýdaǵy negizgi máselelerdi, sondaı-aq daıyn ǵımarattardy qabyldaý aspektilerin talqylady.
«Jańa oqý jylynyń basynda «Jaıly mektep» jobasy aıasynda salynǵan 4 mektepti ashýdy josparlap otyrmyz. Qurylys jumystarynan bólek kadr máselesine de nazar aýdarý qajet. Prezıdent Qasym-Jomart Toqaev aıtyp ótkendeı, oqytý ádisteri jańashyl jáne ár balada jeke kózqaras bolý kerek. Bilim basqarmasy jańadan ashylatyn mektepterdiń oqý úderisin uıymdastyrýdy qamtamasyz etip, pedagogıkalyq jáne basqa da qajetti kadrlardy daıyndaýy tıis. Sondaı-aq, oqýshylar sanyn toltyrý da mańyzdy. Sonymen qatar, tamaqtandyrý, lıenzııalyq kúzet, qaýipsizdik tehnıkasyna erekshe kóńil bólip, sheshý qajet. Bilim oshaqtaryndaǵy qalǵan qajetti jumystardy tezdetýdi tapsyramyn», - dep túıindedi aımaq basshysy óz sózin.
Aıta keteıik, 2025 jyly óńirde «Jaıly mektep» ulttyq jobasy aıasynda 11 myńǵa jýyq orynǵa arnalǵan taǵy 9 bilim oshaǵy salynatyn bolady. Búgingi tańda osy baǵytta 30 gektardy quraıtyn jer telimderi bólinip otyr.
