ىشكى ىستەر ءمينيسترى ەرجان سادەنوۆ بۇگىن، 17 تامىزدا جامبىل وبلىسىندا قازا تاپقان پوليتسەيلەردىڭ وتباسىلارىنا كوڭىل ايتتى، - دەپ حابارلايدى “ادىرنا” ۇلتتىق پورتالى.
«مەركى-شۋ-بۋرىلبايتال» تاس جولىندا ازاماتتاردىڭ قاۋىپسىزدىگىن قامتاماسىز ەتۋ جولىندا قىزمەتتىك بورىشىن وتەۋ كەزىندە قايعىلى قازاعا ۇشىراعان پوليتسيا قىزمەتكەرلەرىنىڭ ەلگە سىڭىرگەن ەڭبەگى ۇشان-تەڭىز»، - دەپ جازدى ول الەۋمەتتىك جەلىدەگى پاراقشاسىندا.
سادەنوۆ قازا بولعانداردىڭ وتباسىلارىنا «تولىق قولداۋ جانە قاجەتتى كومەك كورسەتۋگە» ۋادە بەردى.
سونداي-اق ول 16 تامىزدان 17 تامىزعا قاراعان ءتۇنى ورىن العان جانتۇرشىگەرلىك اپاتقا قاتىستى تەرگەۋ بارىسىن قاداعالاپ وتىرعانىن ايتتى.
ەستەرىڭىزگە سالا كەتەيىك، رەسپۋبليكالىق ماڭىزى بار مەركى – شۋ – بۋرىلبايتال تاس جولىنىڭ 40-شى شاقىرىمىندا ەكى كولىك سوقتىعىسقانىن جازعان بولاتىنبىز. اپات سالدارىنان ەكى پوليتسەي قىزمەتكەرى جانە تاعى 4 ادام قازا تاپقان بولاتىن. قىزمەتكەرلەردىڭ ءبىرىنىڭ 11 بالاسى بار ەكەنى ايتىلعان ەدى.
