اقش ەلشىسى شەت ەل كومپانيالارى قازاقستاننىڭ قۇقىقتىق جۇيەسىندە اشىقتىق پەن ءتۇسىنۋدى قاجەت ەتەتىنىن ايتتى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
اقش ەلشىسى دەنيەل روزەنبليۋم قازاقستانداعى شەشۋدى قاجەت ەتەتىن نەگىزگى پروبلەمالاردى اتادى. روزەنبليۋم قازتاگ اگەنتتىگىنە بەرگەن ەكسكليۋزيۆتى سۇحباتىندا:
«ينۆەستيتسيالىق احۋالدى دامىتۋعا كومەكتەسەتىن باعىتتاردى دامىتۋعا باسا نازار اۋدارا وتىرىپ، ينۆەستيتسيالىق جانە ەكونوميكالىق قاتىناستار بويىنشا ساياسي شارالار بويىنشا ۇكىمەتپەن بەلسەندى ديالوگىمىزدى اتاپ ءوتۋ كەرەك. ال كومپانيالارعا بولجامدىلىق، اشىقتىق، قۇقىقتىق جۇيەنى ءتۇسىنۋ قاجەت. ياعني، قانداي دا ءبىر كەلىسپەۋشىلىكتەر تۋىنداسا، ونى سوت ارقىلى شەشۋگە بولادى. سونىمەن قاتار، ولارعا سالىق ساياساتىن ءتۇسىندىرۋ كەرەك. ال ەل ۇكىمەتى اقش-تىڭ قازاقستانعا ينۆەستيتسياسىنىڭ الەۋەتىن ارتتىرۋعا باعىتتالاتىن ساياساتتى ۇستانىپ وتىر»، - دەدى روزەنبليۋم قازتاگ اگەنتتىگىنە بەرگەن ەكسكليۋزيۆتى سۇحباتىندا.
