ماگيستراتۋراعا تاپسىرۋشىلاردىڭ ءجاي-كۇيى قالاي؟!

3519
Adyrna.kz Telegram

دوستار!
ءبىز بۇگىن ماگيستراتۋراعا ءتۇسۋ ءۇشىن جاڭا فورماتتاعى كەشەندى تەستىلەۋدىڭ العاشقى كۇنىن وتكىزدىك.
ەمتيحان وتكىزۋدىڭ ماكسيمالدى تۇردە اشىقتىعى پەن ادالدىعىن قامتاماسىز ەتۋ ءۇشىن ەلىمىزدىڭ بارلىق وڭىرلەرىندە سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى، ارنايى مونيتورينگتىك توپتاردىڭ جانە قوعامنىڭ باسقا دا مۇشەلەرى باقىلاۋشىلار رەتىندە تارتىلدى.
ءبىز ءبىلىم بەرۋ جۇيەسىندەگى ادالدىقتىڭ جاڭا ستاندارتتارىن قالىپتاستىرۋدامىز: ەمتيحان كەزىندە جالعاندىققا جول بەرۋ – الدەقايدا ماڭىزدى قۇقىق بۇزۋشىلىققا جول بەرۋدىڭ العاشقى قادامى.
ءبىز بۇل ستاندارتتاردى تومەندەتپەيمىز.
ءبىرىنشى كۇننىڭ ناتيجەسىنە كەلەتىن بولساق، تەستىلەۋگە كەلگەن 5705 قاتىسۋشىنىڭ 4014-ءى سمارتفونمەن كەلگەن. ال، 216 ۇمىتكەر تىيىم سالىنعان زاتتاردى پايدالانۋ ارەكەتتەرىن جاساعان، ولاردىڭ ناتيجەلەرى جويىلدى.
سونىمەن قاتار، 10 بوگدە تۇلعا انىقتالدى، ولار بويىنشا ماتەريالدار قۇقىق قورعاۋ ورگاندارىنا جولداناتىن بولادى.
قازاقستان رەسپۋبليكاسىنىڭ ءبىلىم جانە عىلىم مينيسترلىگى بارلىق ۇمىتكەرلەردى بەلگىلەنگەن ءتارتىپتى ساقتاۋعا شاقىرادى.

 

اسحات ايماعامبەتوۆ

"ادىرنا" ۇلتتىق پورتالى

پىكىرلەر