Dostar!
Biz búgin magıstratýraǵa túsý úshin jańa formattaǵy keshendi testileýdiń alǵashqy kúnin ótkizdik.
Emtıhan ótkizýdiń maksımaldy túrde ashyqtyǵy pen adaldyǵyn qamtamasyz etý úshin elimizdiń barlyq óńirlerinde Sybaılas jemqorlyqqa qarsy is-qımyl agenttiginiń qyzmetkerleri, arnaıy monıtorıngtik toptardyń jáne qoǵamnyń basqa da músheleri baqylaýshylar retinde tartyldy.
Biz bilim berý júıesindegi adaldyqtyń jańa standarttaryn qalyptastyrýdamyz: emtıhan kezinde jalǵandyqqa jol berý – áldeqaıda mańyzdy quqyq buzýshylyqqa jol berýdiń alǵashqy qadamy.
Biz bul standarttardy tómendetpeımiz.
Birinshi kúnniń nátıjesine keletin bolsaq, testileýge kelgen 5705 qatysýshynyń 4014-i smartfonmen kelgen. Al, 216 úmitker tyıym salynǵan zattardy paıdalaný áreketterin jasaǵan, olardyń nátıjeleri joıyldy.
Sonymen qatar, 10 bógde tulǵa anyqtaldy, olar boıynsha materıaldar quqyq qorǵaý organdaryna joldanatyn bolady.
Qazaqstan Respýblıkasynyń Bilim jáne ǵylym mınıstrligi barlyq úmitkerlerdi belgilengen tártipti saqtaýǵa shaqyrady.
Ashat AIMAǴAMBETOV
"Adyrna" ulttyq portaly
