قازاقستان ۇستەل تەننيسى فەدەراتسياسىنىڭ وكىلدەرى قازاقستاندىق سپورتشى كيريلل گەراسيمەنكوعا استانادان ەكى بولمەلى پاتەر سىيلادى. بۇل تۋرالى ۇستەل تەننيس فەدەراتسياسى مالىمدەدى، دەپ حابارلايدى ”ادىرنا” ۇلتتىق پورتالى.
فەدەراتسيانىڭ مالىمەتىنشە، سپورتشى پاريج وليمپياداسىنداعى جارقىن جانە تابىستى ونەرى ءۇشىن قۇرمەتكە بولەندى. كيريلل گەراسيمەنكو ۇستەل تەننيسىنەن ەرلەر اراسىنداعى جەكەلەي سىندا توعىزىنشى ورىن العان.
قازاقستاندىق تەننيسشىلەر بۇرىن مۇنداي جوعارى ناتيجە كورسەتپەگەنى دە اتاپ ءوتىلدى. كيريلل پاريجدەگى ويىنىنان كەيىن الەمدىك رەيتينگتە 46-ورىننان 37-ورىنعا كوتەرىلدى. قازاقستان ۇستەل تەننيسى فەدەراتسياسىنىڭ پرەزيدەنتى دانيار ابىلعازين گەراسيمەنكونى جەتىستىگىمەن قۇتتىقتاپ، بۇل ۇستەل تەننيسى ءۇشىن تاريحي وقيعا ەكەنىن اتاپ ءوتتى.
«بۇكىل تۋرنير بويى كيريلل تايسالمايتىن ەرىك-جىگەرىن، ءسوزسىز شەبەرلىگىن، كاسىبيلىگىن جانە ناعىز مىنەزىن كورسەتتى. ول قازاقستاندىق ۇستەل تەننيسى شەبەرلەرى الەمنىڭ ەڭ مىقتى سپورتشىلارىمەن باسەكەگە تۇسە الاتىنىن تانىتتى.
ونىڭ ناتيجەسى قازاقستان ۇستەل تەننيسى تاريحىندا جاڭا پاراقتى اشتى. ءبىز ونىڭ جەتىستىكتەرىن ماقتان تۇتامىز جانە ونىڭ ەڭبەگىن باعالاپ، ماراپاتتاۋدى ۇيعاردىق. جاقىندا جاڭا وليمپيادالىق تسيكل باستالادى. ءبىزدىڭ جوسپارىمىز ءۇش ليتسەنزيا جەڭىپ الۋ. ەرلەر مەن ايەلدەر اراسىنداعى جەكەلەي سىندا، سونداي-اق ەرلەر اراسىنداعى كوماندالىق جارىستا ليتسەنزيا يەلەنۋدى كوزدەپ وتىرمىز»، - دەدى دانيار ابىلعازين.
