شىمبۇلاق تاۋ كۋرورتى شىعىس جانە ورتا ازياداعى تاۋلى ءتۋريزمنىڭ ەكى جەتەكشى باعىتىن بىرىكتىرىپ، وڭتۇستىك كورەيانىڭ MONA Yong Pyong ءىرى كۋرورتىمەن ستراتەگيالىق سەرىكتەستىك ورناتىپ جاتىر. Kazakh Tourism-مەن بىرلەسكەن بۇل سەرىكتەستىڭ ەكى ەلدىڭ تۋريستتەرىنە قىسقى دەمالىستىڭ بىرەگەي مۇمكىندىكتەرى مەن ەكسكليۋزيۆتى ۇسىنىستارىمەن ەكى ەل تۋريستتەرى ءۇشىن دە جاڭا كوكجيەكتەردى اشۋعا مۇمكىندىك بەرەدى.
2024 جىلدىڭ 8 تامىزىندا پحيونچحاندا كەلەسى نەگىزگى باستامالاردى قاراستىراتىن كەلىسىمگە قول قويىلدى:
- كىرىس ءتۋريزمنىن دامىتۋ. كەلىسىمشارت اياسىندا تاراپتار قازاقستان مەن وڭتۇستىك كورەيا اراسىندا جىل سايىن تۋريستتەر مەن نۇسقاۋشىلار الماسۋ تۋرالى كەلىستى. 2024-2025 جىلعى ماۋسىمدا شىمبۇلاققا وڭتۇستىك كورەيادان 15 000-عا جۋىق تۋريست كەلەدى دەپ كۇتىلۋدە. ولارعا كۋرورت قوناق ۇيلەرىندە جانە الماتى قالاسىنداعى سەرىكتەستەردىڭ قوناق ۇيلەرىندە تۇرۋ، 3,5 نەمەسە 7 كۇنگە سكيپاسس جانە جابدىقتاردى ساقتاۋ لوكەرلەرى كىرەتىن پاكەت ۇسىنىلادى.
- سپورتشىلاردىڭ قاتىسۋى: وڭتۇستىك كورەيا سپورتشىلارى شىمبۇلاقتاعى تاۋ شاڭعىسىنان ازيا كۋبوگى، فريستايلدان الەم كۋبوگىنىڭ كەزەڭدەرى جانە باسقا دا ماڭىزدى سپورتتىق شارالارعا بەلسەندى قاتىسادى. سونداي-اق وسى سەرىكتەستىك اياسىندا شىمبۇلاق كۋرورتىندا وڭتۇستىك كورەيالىق سپورتشىلاردىڭ وقۋ-جاتتىعۋ جيىندارى وتەدى. بۇل ەكى ەل اراسىنداعى سپورتتىق بايلانىستى نىعايتىپ قانا قويماي، ەكى كۋرورتتىڭ الەمدىك ارەناداعى بەدەلىن ارتتىرادى.
- قازاقستاندىق تۋريستتەرگە ەكسكليۋزيۆتى ۇسىنىستار: قىسقى دەمالىستى جانى سۇيەتىن قازاقستاندىقتار ءۇشىن ىشىنە تۇراقتاۋ، سكي-پاستتار جانە تاماقتانۋ كىرەتىن، كورەيلىك كۋرورتتىڭ بارلىق قىزمەتتەرى كورسەتىلەتىن ارنايى «مەمبەر كارتا» جاسالادى. ول بىرەگەي ءونىم 2024-2025 جىلعى ماۋسىمدا قولدانىسقا ەنەدى.
بۇدان بولەك، شىمبۇلاقتىڭ ماۋسىمدىق كارتاسىن العاندار MONA Yong Pyong-تا سىرعاناۋعا 4 كۇندىك تەگىن ابونەمەنتتى پايدالانا الادى، ودان كەيىنگى كۇندەرى سىرعاناۋعا 50% جەڭىلدىك بولادى. سونداي-اق كۋرورت قوناق ۇيىندە تۇرۋعا جەڭىلدىكتەر بەرىلەدى.
شىمبۇلاق تاۋ كۋرورتىنىڭ باس ديرەكتورى رينات ابدراحمانوۆتىڭ پىكىرى:
«ءبىز MONA Yong Pyong-پەن قۋانا ستراتەگيالىق سەرىكتەس بولىپ جاتىرمىز، ول بىزگە قازاقستاندىق جانە كورەيلىك تۋريستتەرگە دەمالىستىڭ جانە سپورتتىڭ جاڭا مۇمكىندىكتەرىن ۇسىنۋعا مۇمكىندىك بەرەدى. بۇل سەرىكتەستىك ءبىز ءۇشىن جاڭا كوكجيەكتەر اشىپ، شىمبۇلاقتىڭ حالىقارالىق ارەناداعى پوزيتسياسىن نىعايتادى. قازاقستاندىڭ تۋريستتەر ەكى كۋرورتتاعى جاڭا ۇسىنىستار مەن جوعارى قىزمەت كورسەتۋ دەڭگەيىن باعالايدى دەگەن سەنىمدەمىز».
كۋرورت جەتەكشىلەرى بۇل سەرىكتەستىك ايماقتاعى تاۋ-شاڭعى ءتۋريزمى دامۋىنىڭ كاتاليزاتورىنا اينالىپ، دەمالۋشىلارعا بىرەگەي مۇمكىندىكتەر ۇسىنادى دەپ سەنەدى.
Kazakh Tourism ءباسپاسوز قىزمەتى “بۇل سەرىكتەستىكتىڭ تەك كەلەشەگى زور عانا ەمەس، ول قىسقى دەمالىستىڭ جاڭا شەكارالارىن اشىپ، ەكى ەلدىڭ تۋريستتەرى ءۇشىن دە ءتيىمدى بولعالى تۇر”، - دەپ اتاپ ءوتتى.
ايتا كەتسەك، 1954 جىلى نەگىزى قالانعان شىمبۇلاق تاۋ كۋرورتى قازاقستاننىڭ الماتى قالاسىنان 15 مينۋتتىق جەردە، ىلە الاتاۋىنىڭ تەڭىز دەڭگەيىنەن 2260 مەتر بيىكتىكتەگى كوركەم شاتقالىندا ورنالاسقان. كۋرورتتىڭ الەم چەمپيوناتتارى، فريستايلدان الەم كۋبوگى كەزەڭدەرى سياقتى حالىقارالىق سايىستار وتكىزۋ تاجىريبەسى مول.
1975 جىلى اشىلعان، بارۆانسان تاۋ جوتاسىنداعى Yong Pyong كۋرورتى – وڭتۇستىك كورەياداعى العاشقى شاڭعى بازاسى، ول 35 جىل بويى ەلدىڭ ەڭ تانىمال تاۋ-شاڭعى كۋرورتى بولىپ كەلەدى. 2018 جىلى Yong Pyong قىسقى وليمپيادا ويىندارىنداعى نەگىزگى وبەكتىلەردىڭ ءبىرى بولدى، بۇل ونىڭ حالىقارالىق جوعارى بەدەلىن جانە ينفراقۇرىلىمىنىڭ جوعارى ساپاسىن كورسەتەدى.
بۇل سەرىكتەستىك كەلەشەگى مول ءارى قىسقى دەمالىستىڭ جاڭا شەكارالارىن اشىپ، ەكى ەلدىڭ تۋريستتەرىنە ءتيىمدى بولعالى تۇر.
