Shymbulaq taý kýrorty Shyǵys jáne Orta Azııadaǵy taýly týrızmniń eki jetekshi baǵytyn biriktirip, Ońtústik Koreıanyń MONA Yong Pyong iri kýrortymen strategııalyq seriktestik ornatyp jatyr. Kazakh Tourism-men birlesken bul seriktestiń eki eldiń týrıstterine qysqy demalystyń biregeı múmkindikteri men eksklıýzıvti usynystarymen eki el týrıstteri úshin de jańa kókjıekterdi ashýǵa múmkindik beredi.
2024 jyldyń 8 tamyzynda Phıonchhanda kelesi negizgi bastamalardy qarastyratyn kelisimge qol qoıyldy:
- Kiris týrızmnin damytý. Kelisimshart aıasynda taraptar Qazaqstan men Ońtústik Koreıa arasynda jyl saıyn týrıstter men nusqaýshylar almasý týraly kelisti. 2024-2025 jylǵy maýsymda Shymbulaqqa Ońtústik Koreıadan 15 000-ǵa jýyq týrıst keledi dep kútilýde. Olarǵa kýrort qonaq úılerinde jáne Almaty qalasyndaǵy seriktesterdiń qonaq úılerinde turý, 3,5 nemese 7 kúnge skıpass jáne jabdyqtardy saqtaý lokerleri kiretin paket usynylady.
- Sportshylardyń qatysýy: Ońtústik Koreıa sportshylary Shymbulaqtaǵy taý shańǵysynan Azııa Kýbogy, frıstaıldan Álem Kýbogynyń kezeńderi jáne basqa da mańyzdy sporttyq sharalarǵa belsendi qatysady. Sondaı-aq osy seriktestik aıasynda Shymbulaq kýrortynda ońtústik koreıalyq sportshylardyń oqý-jattyǵý jıyndary ótedi. Bul eki el arasyndaǵy sporttyq baılanysty nyǵaıtyp qana qoımaı, eki kýrorttyń álemdik arenadaǵy bedelin arttyrady.
- Qazaqstandyq týrıstterge eksklıýzıvti usynystar: qysqy demalysty jany súıetin qazaqstandyqtar úshin ishine turaqtaý, skı-pasttar jáne tamaqtaný kiretin, koreılik kýrorttyń barlyq qyzmetteri kórsetiletin arnaıy «member karta» jasalady. Ol biregeı ónim 2024-2025 jylǵy maýsymda qoldanysqa enedi.
Budan bólek, Shymbulaqtyń maýsymdyq kartasyn alǵandar MONA Yong Pyong-ta syrǵanaýǵa 4 kúndik tegin abonementti paıdalana alady, odan keıingi kúnderi syrǵanaýǵa 50% jeńildik bolady. Sondaı-aq kýrort qonaq úıinde turýǵa jeńildikter beriledi.
Shymbulaq taý kýrortynyń bas dırektory Rınat Abdrahmanovtyń pikiri:
«Biz MONA Yong Pyong-pen qýana strategııalyq seriktes bolyp jatyrmyz, ol bizge qazaqstandyq jáne koreılik týrıstterge demalystyń jáne sporttyń jańa múmkindikterin usynýǵa múmkindik beredi. Bul seriktestik biz úshin jańa kókjıekter ashyp, Shymbulaqtyń halyqaralyq arenadaǵy pozıııasyn nyǵaıtady. Qazaqstandyń týrıstter eki kýrorttaǵy jańa usynystar men joǵary qyzmet kórsetý deńgeıin baǵalaıdy degen senimdemiz».
Kýrort jetekshileri bul seriktestik aımaqtaǵy taý-shańǵy týrızmi damýynyń katalızatoryna aınalyp, demalýshylarǵa biregeı múmkindikter usynady dep senedi.
Kazakh Tourism baspasóz qyzmeti “Bul seriktestiktiń tek keleshegi zor ǵana emes, ol qysqy demalystyń jańa shekaralaryn ashyp, eki eldiń týrıstteri úshin de tıimdi bolǵaly tur”, - dep atap ótti.
Aıta ketsek, 1954 jyly negizi qalanǵan Shymbulaq taý kýrorty Qazaqstannyń Almaty qalasynan 15 mınýttyq jerde, Ile Alataýynyń teńiz deńgeıinen 2260 metr bıiktiktegi kórkem shatqalynda ornalasqan. Kýrorttyń álem chempıonattary, frıstaıldan Álem kýbogy kezeńderi sııaqty halyqaralyq saıystar ótkizý tájirıbesi mol.
1975 jyly ashylǵan, Barvansan taý jotasyndaǵy Yong Pyong kýrorty – Ońtústik Koreıadaǵy alǵashqy shańǵy bazasy, ol 35 jyl boıy eldiń eń tanymal taý-shańǵy kýrorty bolyp keledi. 2018 jyly Yong Pyong Qysqy olımpıada oıyndaryndaǵy negizgi obektilerdiń biri boldy, bul onyń halyqaralyq joǵary bedelin jáne ınfraqurylymynyń joǵary sapasyn kórsetedi.
Bul seriktestik keleshegi mol ári qysqy demalystyń jańa shekaralaryn ashyp, eki eldiń týrıstterine tıimdi bolǵaly tur.
