«مەن سۋرەتشىمىن. ەشۋاقىتتا ساياساتقا ارالاسىپ كورگەن ەمەسپىن. الايدا قازىرگى بيلىكتىڭ جاساپ جاتقاندارىنا، اكەمنىڭ زاڭسىز ۇستالۋىنا قاراپ، اۋزىمدى جاۋىپ وتىرا المايمىن. مەن وتباسىم مەن بەيبىت تۇرعىندار ءۇشىن قورقامىن»، - دەدى شاگيەۆا.
ايتۋىنشا، ءدال قازىر وپپوزيتسيالىق تەلەارنالار ءوشىرىلىپ، قۇقىقتىق نورمالار بۇزىلىپ، باق-تا جالعان اقپارات تاراپ جاتىر. سونداي-اق، ول اكەسىنىڭ تەك تەمىر تورعا قاماۋ ءۇشىن شاقىرىلعانىن ايتتى.
«شىن مانىندە، اكەمدى وپپوزيتسيالىق ارەكەتتەرى ءۇشىن قاماۋعا العىسى كەلدى. كوپتەگەن جاقتاسىنا قاتىستى دا وسىلاي جاساعىسى كەلدى. مىسالى، كۋبان كۋلپاتوۆ پەن ساپار يساكوۆ. ولاردى تەرگەۋگە قاجەتتى كۋالىك الامىز دەپ شاقىرىپ، كەيىن تۇتقىندادى. اكەم بيلىكتەن كونستيتۋتسيالىق سوتتىڭ شەشىمىن كۇتۋدى تالاپ ەتتى»، - دەدى ول.
سونداي-اق، ول اكەسىنىڭ بۇل ىسكە قاتىستى بار بىلگەنىن باق-قا ايتىپ قويعانىن، قاجەت بولسا، كۋالىگىن جازباشا تۇردە جولداۋعا ءازىر ەكەنىن جەتكىزدى.
«اكەم قۇقىق ارناسىنا كىرىپ، كونستيتۋتسيالىق سوتتىڭ شەشىمى شىقپايىنشا ءبىزدىڭ ءوزىمىزدى قورعاۋعا قۇقىعىمىز بار ەكەنىن ايتتى. كەز كەلگەن ەكس پرەزيدەنتتى قولعا ءتۇسىرۋ ارەكەتتەرى اۆتوماتتى تۇردە قىلمىس بولىپ سانالادى»، - دەدى ءاليا شاگيەۆا.
ەستەرىڭىزگە سالا كەتسەك، وسى ۋاقىتقا دەيىن ەكس پرەزيدەنت قىزىنىڭ اكەسىنە جازبا ارناعانى تۋرالى حابارلاعان ەدىك.
