1969-ىنشى جىلعا دەيىن مۇناي جانە گاز تابىلعانشا نورۆەگيا بالىقشىلار مەن فەرمەرلەر مەكەن ەتكەن كەدەي ەلدەردىڭ ءبىرى ەدى. قازىر ۇلتتىق قورلارى تريلليون دوللاردان اسىپ كەتتى. لەنين ارمانداعان كوممۋنيزمدى نورۆەگتەر ورناتىپ جاتىر. كىم كوپ تابىس تاپسا سول كوپ سالىق تولەيدى. مۇناي سالاسىنداعى جەكە كومپانيالار تابىسىنىڭ 70%-ىنا دەيىن مەملەكەتكە سالىق تولەيدى. ورتاشا ايلىق 5200 $, ورتاشا زەينەتاقى 2300$. باستاپقى ايلىق 3500 دوللاردان باستالادى. قىمباتشىلىق تا بار. سول ءۇشىن كورشى ەلدەرگە اقشا ەكونومداۋ ءۇشىن قىدىرىپ كەتەدى ەكەن. جۇمىس ۋاقىتى ورتاشا 6 ساعات. پەرەرابوتكا دەگەن تۇسىنىك جوق. جۇمىس ەكىنشى پلاندا. ءبىرىنشى پلاندا ادامداردىڭ بوس ۋاقىتىسى كوپ بولۋ كەرەك. جاسىل ەكونوميكاعا كوپ كوڭىل بولەدى. 2025-ءىنشى جىلدان باستاپ نورۆەگيادا بەنزين جانە ديزەلمەن جۇرەتىن جەڭىل كولىكتەردى توقتاتۋعا دايىندىق جۇرۋدە. جوعارى ءبىلىم مەن مەديتسينا بارىنە تەگىن. وتباسىندا بالا دۇنيەگە كەلسە اكەسى دە شەشەسىمەن بىرگە 1 جىلعا دەكرەتكە شىعا الادى. تەك شەشەسى شىقسا 2 جىلعا دەيىن ايلىعىنىڭ 80%-ىن الىپ وتىرادى. قىلمىستىڭ ازدىعى سونشالىقتى ەكىنشى دۇنيەجۇزىلىك سوعىستان بەرى 10-اق پوليتسەي قايتىس بولعان. جاعدايلارى ەۆروپادان جوعارى بولعانى ءۇشىن ەۆرووداققا دا كىرمەيدى. بۇل شەشىم رەفەرەندۋم ارقىلى قابىلدانعان. سونداي ءبىر كەرەمەت ەل.
ءسابيت رىسباەۆ
"ادىرنا" ۇلتتىق پورتالى
