پرەزيدەنت قاسىم-جومارت توقاەۆ قازاقستانعا ساپارىن توقتاتقان جاپونيا پرەمەر-ءمينيسترى فۋميو كيشيداعا قولداۋ ءبىلدىردى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
قاسىم-جومارت توقاەۆ جاپونيادا بولعان جەر سىلكىنىسىنە بايلانىستى جاپون حالقىنا سابىر تىلەپ، تابيعات اپاتىنىڭ سالدارى اۋىر بولمايدى دەپ ۇمىتتەنەتىنىن ايتتى.
ءوز كەزەگىندە فۋميو كيشيدا قازاقستانعا رەسمي ساپارىن، سونىڭ ىشىندە «ورتالىق ازيا + جاپونيا» ديالوگىنىڭ ءبىرىنشى سامميتىنە قاتىسۋىن امالسىزدان كەيىنگە شەگەرگەنىن وكىنىشپەن جەتكىزدى.
اڭگىمەلەسۋ بارىسىندا قاسىم-جومارت توقاەۆ پەن فۋميو كيشيدا قازاق-جاپون قاتىناستارىنىڭ قازىرگى جاي-كۇيى مەن دامۋ پەرسپەكتيۆاسىن تالقىلاپ، وڭىرارالىق ىقپالداستىق ماسەلەلەرى جونىندە پىكىر الماستى.
