كىسى ءولتىرۋ ءىسى بويىنشا سوتتالعان كاسىپكەر مۇراتحان توقماديدىڭ بوستاندىققا شىعاتىنى ايتىلدى. سوت ونىڭ مەرزىمىنەن بۇرىن شارتتى تۇردە بوساتۋ تۋرالى ءوتىنىشىن قاناعاتتاندىردى، دەپ حابارلايدى “ادىرنا” ۇلتتىق پورتالى.
«قوناەۆ قالالىق سوتىنىڭ 2024 جىلعى 26 شىلدەدەگى شەشىمىمەن م.توقماديدىڭ مەرزىمىنەن بۇرىن شارتتى تۇردە بوساتۋ تۋرالى ءوتىنىشى قاناعاتتاندىرىلدى»، - دەپ حابارلادى جۇما كۇنى الماتى وبلىستىق سوتىنىڭ ءباسپاسوز قىزمەتى.
ەسكە سالايىق، 2004 جىلى 19 جەلتوقساندا بەلگىلى قازاقستاندىق بانكير ەرجان تاتىشەۆ ولتىرىلگەن بولاتىن. بۇل جاعدايعا كاسىپكەر مۇراحان توقمادي كىنالى دەپ تانىلىپ، 10,5 جىلعا سوتتالدى. ول قىلمىس جاسادى دەپ تانىلىپ، ال وعان تاپسىرىس بەرگەن فرانتسيادا جاسىرىنىپ جۇرگەن بانكير مۇحتار ءابليازوۆ كۇدىكتەلدى. 2022 جىلعى 9 ناۋرىزدا توقمادي پرەزيدەنت قاسىم-جومارت توقاەۆقا اشىق حات جولداپ، وندا ول ءوزىنىڭ كىناسىز ەكەنىن جانە ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتىڭ ادامدارى ونى مويىنداۋعا ماجبۇرلەگەنىن ايتتى.
