Kisi óltirý isi boıynsha sottalǵan kásipker Murathan Toqmádıdiń bostandyqqa shyǵatyny aıtyldy. Sot onyń merziminen buryn shartty túrde bosatý týraly ótinishin qanaǵattandyrdy, dep habarlaıdy “Adyrna” ulttyq portaly.
«Qonaev qalalyq sotynyń 2024 jylǵy 26 shildedegi sheshimimen M.Toqmádıdiń merziminen buryn shartty túrde bosatý týraly ótinishi qanaǵattandyryldy», - dep habarlady juma kúni Almaty oblystyq sotynyń baspasóz qyzmeti.
Eske salaıyq, 2004 jyly 19 jeltoqsanda belgili qazaqstandyq bankır Erjan Tátishev óltirilgen bolatyn. Bul jaǵdaıǵa kásipker Murahan Toqmádı kináli dep tanylyp, 10,5 jylǵa sottaldy. Ol qylmys jasady dep tanylyp, al oǵan tapsyrys bergen Franııada jasyrynyp júrgen bankır Muhtar Áblıazov kúdikteldi. 2022 jylǵy 9 naýryzda Toqmádı prezıdent Qasym-Jomart Toqaevqa ashyq hat joldap, onda ol óziniń kinásiz ekenin jáne Ulttyq qaýipsizdik komıtetiniń burynǵy tóraǵasy Kárim Másimovtiń adamdary ony moıyndaýǵa májbúrlegenin aıtty.
