بيىل وبلىس بويىنشا 16244 بالا ماتەريالدىق قولداۋدى قاجەت ەتەدى، ونىڭ مىڭنان استامى ءبىرىنشى سىنىپقا باراتىن بالالار.
ماتەريالدىق كومەك الۋعا قۇقىعى بار:
1) مەملەكەتتىك اتاۋلى الەۋمەتتىك كومەك الۋعا قۇقىعى بار وتباسىلاردان شىققان بالالار;
2) جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن مەملەكەتتىك اتاۋلى الەۋمەتتىك كومەك المايتىن وتباسىلاردان شىققان بالالار;
3) جەتىم بالالار جانە وتباسىندا تۇراتىن اتا-اناسىنىڭ قامقورلىعىنسىز قالعان بالالار;
4) توتەنشە جاعدايلار ناتيجەسىندە شۇعىل كومەكتى تالاپ ەتەتىن وتباسىلاردان شىققان بالالار;
5) ءبىلىم بەرۋ ۇيىمىنىڭ القالى ورگانى ايقىندايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارى7
اقمولا وبلىسى ءبىلىم باسقارماسىنىڭ مالىمەتىنشە، اكتسيانى وتكىزۋگە اۋدان جانە وبلىس اكىمدىكتەرى، مەملەكەتتىك قۇرىلىمدار بەلسەندى قاتىسىپ، كومەك كورسەتۋدە. رەسپۋبليكالىق اكتسيانى وتكىزۋگە وبلىستىڭ بيزنەس-قۇرىلىمدارى دا قاتىسادى. مىسالى، «اقنيەت» جەكە قايىرىمدىلىق قورى بالالارعا جالپى سوماسى 12 ملن. تەڭگەگە كەڭسە تاۋارلارى بار 1199 مەكتەپ ريۋكزاكتارىن ۇسىندى.
اكتسيانى وتكىزۋ كەزىندە ۇيىمداستىرۋ كوميتەتتەرى قۇرىلدى، وڭىرلىك ءىس-شارالار جوسپارلارى بەكىتىلدى، مەكتەپ جاسىنداعى بالالاردى وقىتۋمەن قامتاماسىز ەتۋ ماسەلەلەرى بويىنشا كەڭەستەر وتكىزىلەدى جانە رەيدتەر ۇيىمداستىرىلادى. اكتسيانىڭ 5 كۇنىندە وبلىس اۋداندارىندا (قالالارىندا) «مەكتەپكە جول» اكتسياسى اياسىندا 68 رەيدتىك ءىس-شارا وتكىزىلدى، وعان جۇرتشىلىق، مەملەكەتتىك قۇرىلىمدار وكىلدەرىنىڭ ىشىنەن 27 ادام قاتىستى.
رەيدتىك ءىس-شالارارى بويىنشا 70 قولايسىز وتباسى، 12 ويىن-ساۋىق مەكەمە، 3 كومپيۋتەرلىك كلۋب،1 ساياجاي شارۋاشىلىعى،8 بازار تەكسەرىلدى. جۇرگىزىلگەن رەيدتەر ناتيجەسىندە قولايسىز وتباسىلاردان شىققان 38 كامەلەتكە تولماعاندار انىقتالدى.
بۇگىنگى تاڭدا وبلىس بويىنشا ماتەريالدىق كومەك العانداردىڭ جالپى سانى 15,5 مىڭنان اسادى. كورسەتىلگەن ماتەريالدىق كومەك سوماسى 634,9 ملن تەڭگەنى قۇرادى. ونىڭ ىشىندە بيۋدجەت قاراجاتى ەسەبىنەن 622,8 ملن تەڭگەگە 14349 وقۋشى، بيۋدجەتتەن تىس قاراجات ەسەبىنەن 12 ملن تەڭگەگە 1200 وقۋشىعا كومەك كورسەتىلدى.
