Bıyl oblys boıynsha 16244 bala materıaldyq qoldaýdy qajet etedi, onyń myńnan astamy birinshi synypqa baratyn balalar.
Materıaldyq kómek alýǵa quqyǵy bar:
1) Memlekettik ataýly áleýmettik kómek alýǵa quqyǵy bar otbasylardan shyqqan balalar;
2) jan basyna shaqqandaǵy ortasha tabysy eń tómengi kúnkóris deńgeıinen tómen memlekettik ataýly áleýmettik kómek almaıtyn otbasylardan shyqqan balalar;
3) jetim balalar jáne otbasynda turatyn ata-anasynyń qamqorlyǵynsyz qalǵan balalar;
4) Tótenshe jaǵdaılar nátıjesinde shuǵyl kómekti talap etetin otbasylardan shyqqan balalar;
5) bilim berý uıymynyń alqaly organy aıqyndaıtyn bilim alýshylar men tárbıelenýshilerdiń ózge de sanattary7
Aqmola oblysy bilim basqarmasynyń málimetinshe, akııany ótkizýge aýdan jáne oblys ákimdikteri, memlekettik qurylymdar belsendi qatysyp, kómek kórsetýde. Respýblıkalyq akııany ótkizýge oblystyń bıznes-qurylymdary da qatysady. Mysaly, «Aqnıet» jeke qaıyrymdylyq qory balalarǵa jalpy somasy 12 mln. teńgege keńse taýarlary bar 1199 mektep rıýkzaktaryn usyndy.
Akııany ótkizý kezinde uıymdastyrý komıtetteri quryldy, óńirlik is-sharalar josparlary bekitildi, mektep jasyndaǵy balalardy oqytýmen qamtamasyz etý máseleleri boıynsha keńester ótkiziledi jáne reıdter uıymdastyrylady. Akııanyń 5 kúninde oblys aýdandarynda (qalalarynda) «Mektepke jol» akııasy aıasynda 68 reıdtik is-shara ótkizildi, oǵan jurtshylyq, memlekettik qurylymdar ókilderiniń ishinen 27 adam qatysty.
Reıdtik is-shalarary boıynsha 70 qolaısyz otbasy, 12 oıyn-saýyq mekeme, 3 kompıýterlik klýb,1 saıajaı sharýashylyǵy,8 bazar tekserildi. Júrgizilgen reıdter nátıjesinde qolaısyz otbasylardan shyqqan 38 kámeletke tolmaǵandar anyqtaldy.
Búgingi tańda oblys boıynsha materıaldyq kómek alǵandardyń jalpy sany 15,5 myńnan asady. Kórsetilgen materıaldyq kómek somasy 634,9 mln teńgeni qurady. Onyń ishinde bıýdjet qarajaty esebinen 622,8 mln teńgege 14349 oqýshy, bıýdjetten tys qarajat esebinen 12 mln teńgege 1200 oqýshyǵa kómek kórsetildi.
