Bokstan bırneşe ret üzdık öner körsetken Baqyt Särsekbaev Parij Olimpiadasynda synǧa tüsıp jatqan Nūrbek Oralbaiǧa sättılık tılep, aǧalyq aqylymen bölıstı, dep habarlaidy "Adyrna" ūlttyq portaly.
Beijıŋ Olimpiadasynyŋ chempiony Baqyt Särsebaev Parijde jartylai finalǧa şyqqan Nūrbek Oralbaiǧa jaqsy tılegın jetkızdı.
"Aǧaiyn, myna bır närsenı tüsınumız kerek. Olimpiada ol äkeŋnıŋ törı emes, eşkım basyŋnan sipamaidy. Olimpiadaǧa soǧysqa daiyndalǧandai daiyndalyp, tas tüiın bolyp baruyŋ qajet. Tört jylda bır keletın, tek myŋnan bır sportşynyŋ ömırınde kezdesetın dodaǧa ärkım de altyn alamyn dep barady. Būl jerde teŋ därejede jekpe-jek körsettıŋ be, demek mümkındık joq. Tek qana aiqyn basymdylyq qajet. Bır emes, ekı bas joǧary bolsaŋ ǧana jeŋıstı jūlyp aluǧa bolady. Endı ümıt Nūrbek sende! Bükıl qazaq tıleuıŋdı tılep otyr! Bokstyŋ tüsıp bara jatqan abyroiyn köterıp, bärımızdı bır serpıltıp tastaşy!", - deidı Baqyt Särsekbaev.
Ūqsas jaŋalyqtar
