قالامىزدىڭ كوشەلەرىن قوقىستان تازالاۋ ماقساتىندا جانە جاستار كۇنىن مەرەكەلەۋ قارساڭىنداعى ونكۇندىكتىڭ العاشقى كۇنى «تازا قازاقستان» اتتى اتاۋمەن ەكولوگيالىق اكتسياسى وتكىزىلدى.
ءىس-شارانىڭ نەگىزگى ماقساتى - قالا تۇرعىندارى مەن تۋريستەردىڭ، اسىرەسە جاستاردىڭ ەكولوگيالىق مادەنيەتىن ارتتىرۋ، «ادال ادام - ادال ەڭبەك-ادال تابىس» ۇجىرىمداماسى نەگىزىندە پاتريوتيزم، تابيعاتقا، قورشاعان ورتاعا ۇقىپتى قاراۋ قۇندىلىقتارىن دارىپتەۋ بولىپ تابىلادى.
اكتسيانىڭ ۇيىمداستىرۋشىلارى مەن باستاماشىلارى بولىپ اقمولا وبلىسى ىشكى ساياسات باسقارماسىنىڭ «جاستار-رەسۋرستىق ورتالىعى» مكم بولىپ سانالادى. شاراعا سونداي-اق، «جاسىل ەل» ۇيىمىنىڭ جاستارى، جۇمىسشى جاستار جانە ەرىكتىلەر قاتىستى.
«12 تامىز - جاستار كۇنى. وسى ورايدا بارلىق وڭىردە ون كۇن بويى جاستاردى دامىتۋعا ارنالعان ءتۇرلى شارالار ۇيىمداستىرىلماق. اقمولا وبلىسى دا تىس قالعان جوق. ءار كۇن ارنايى ءبىر تاقىرىپقا ارنالىپ، جۇزەگە اسىرىلاتىن بولادى. اتاپ ايتساق، 3 تامىز - ەكولوگيالىق مادەنيەتتى دامىتۋ، جاستاردىڭ ازاماتتىق جاۋاپكەرشىلىگىن ارتتىرۋ ماقساتىندا «TAZA QAZAQSTAN» اتتى اتۋامەن «تازا قازاقستان» رەسپۋبليكالىق ەكولوگيالىق اكتسياسى اياسىندا كوكشەتاۋ، ستەپنوگورسك، قوسشى قالالارى جانە اۋدانداردىڭ اكىمدىكتەرى مەن جاستار رەسۋرستىق ورتالىقتارىنىڭ ۇيىمداستىرۋىمەن ساياباقتار، كوشەلەر، وزەن-كولدەردىڭ جاعالاۋلارى جانە ت.ب. سەنبىلىكتەر وتكىزۋدە. بۇگىنگى اكتسياعا 200-دەن اسا قالا ادام قاتىستى. جالپى العاندا 500 كگ جۋىق قوقىس جينالدى. ءبىز، اقمولا وبلىسى جاستار-رەسۋرستىق ورتالىعى بارشاڭىزدى قورشاعان ورتامىزدى، تابيعاتىمىزدى تازا ۇستاۋعا شاقىرامىز» - دەيدى ءوز سوزىندە وبلىستىق جرو باسشىسى داستان ەرمەكوۆ.
