Qalamyzdyń kóshelerin qoqystan tazalaý maqsatynda jáne Jastar kúnin merekeleý qarsańyndaǵy onkúndiktiń alǵashqy kúni «Taza Qazaqstan» atty ataýmen ekologııalyq akııasy ótkizildi.
Is-sharanyń negizgi maqsaty - qala turǵyndary men týrısterdiń, ásirese jastardyń ekologııalyq mádenıetin arttyrý, «Adal adam - Adal eńbek-Adal tabys» ujyrymdamasy negizinde patrıotızm, tabıǵatqa, qorshaǵan ortaǵa uqypty qaraý qundylyqtaryn dáripteý bolyp tabylady.
Akııanyń uıymdastyrýshylary men bastamashylary bolyp Aqmola oblysy ishki saıasat basqarmasynyń «Jastar-resýrstyq ortalyǵy» MKM bolyp sanalady. Sharaǵa sondaı-aq, «Jasyl el» uıymynyń jastary, jumysshy jastar jáne eriktiler qatysty.
«12 tamyz - Jastar kúni. Osy oraıda barlyq óńirde on kún boıy jastardy damytýǵa arnalǵan túrli sharalar uıymdastyrylmaq. Aqmola oblysy da tys qalǵan joq. Ár kún arnaıy bir taqyrypqa arnalyp, júzege asyrylatyn bolady. Atap aıtsaq, 3 tamyz - Ekologııalyq mádenıetti damytý, jastardyń azamattyq jaýapkershiligin arttyrý maqsatynda «TAZA QAZAQSTAN» atty atýamen «Taza Qazaqstan» respýblıkalyq ekologııalyq akııasy aıasynda Kókshetaý, Stepnogorsk, Qosshy qalalary jáne aýdandardyń ákimdikteri men Jastar resýrstyq ortalyqtarynyń uıymdastyrýymen saıabaqtar, kósheler, ózen-kólderdiń jaǵalaýlary jáne t.b. senbilikter ótkizýde. Búgingi akııaǵa 200-den asa qala adam qatysty. Jalpy alǵanda 500 kg jýyq qoqys jınaldy. Biz, Aqmola oblysy jastar-resýrstyq ortalyǵy barshańyzdy qorshaǵan ortamyzdy, tabıǵatymyzdy taza ustaýǵa shaqyramyz» - deıdi óz sózinde oblystyq JRO basshysy Dastan Ermekov.
