ۋاقىتتى ءبىر ساعاتقا وزگەرتۋ مەن دەنساۋلىققا ايتارلىقتاي اسەرى اراسىندا ەشقانداي بايلانىس جوق. بۇل تۋرالى دەنساۋلىق ساقتاۋ ءمينيسترىنىڭ ءبىرىنشى ورىنباسارى تيمۋر سۇلتانعازيەۆ ۆەدومستۆو تاراپىنان بۇل ماسەلە بويىنشا ءتيىستى جۇمىس توبىن قۇرىلعانىن ايتتى، دەپ حاارلايدى “ادىرنا” ۇلتتىق پورتالى قازاقپاراتقا سىلتەپ.
ساۋدا جانە ينتەگراتسيا مينيسترىلىگىندە ۋاقىت بەلدەۋىن وزگەرتۋگە قارسى پەتيتسيا قارالىپ جاتىر.
«ونىڭ قۇرامىنا عالىم ماماندار مەن دارىگەرلەر، مەديتسينا وكىلدەرى كىردى. ولار ۋاقىت بەلدەۋىن وزگەرتۋ جونىندەگى شەتەلدىك عىلىمي ادەبيەتتى، وزگە ەلدەردىڭ تاجىريبەسىن زەرتتەۋ باعىتىندا ۇلكەن جۇمىس اتقاردى. وسى زەرتتەۋلەر نەگىزىندە عالىمدار جاساعان قورىتىندى بويىنشا، ۋاقىتتى ءبىر ساعاتقا وزگەرتۋ مەن دەنساۋلىققا ايتارلىقتاي اسەرى اراسىندا ەشقانداي بايلانىس جوق.
سونداي-اق، ءبىز دۇنيەجۇزىلىك دەنساۋلىق ساقتاۋ مينيسترلىگىنە دە جۇگىندىك. ونداعى ساراپشىلار دا وسى ماسەلەنى تالقىلاۋ ءۇشىن ءوز پىكىرلەرىن ايتتى. جالپى عالىمدار ادام دەنساۋلىعىنا كۇن ۋاقىتىنا بارىنشا جاقىن ۋاقىت بەلدەۋىن تۇراقتى قولدانۋعا كەڭەس بەرىپ وتىر. New England Journal of Medicine باسىلىمىندا جاريالانعان زەرتتەۋدى قىسقاشا بايانداپ شىعۋعا رۇقسات ەتىڭىزدەر. زەرتتەۋ قىسقى جانە جازعى ۋاقىتقا 1 ساعات ايىرماشىلىعىمەن كوشۋ ادامداردىڭ كوپشىلىگىنىڭ دەنساۋلىعىندا ايتارلىقتاي بۇزىلىستارعا اكەلمەيتىنىن كورسەتكەن. ۋاقىت وزگەرىسىنە اعزا بەلگىلى ءبىر ۋاقىتتىڭ ىشىندە ۇزاق مەرزىمدى كەرى اسەرلەرسىز بەيىمدەلە الاتىنى ايتىلعان»، - دەدى ول.
ۆيتسە-مينيستر ۋاقىتتى 1 ساعاتقا جىلجىتۋ ۇيقىنى رەتتەيتىن گورمون – مەلاتونين وندىرىسىندە مينيمالدى وزگەرىستەر تۋىنداتادى دەپ وتىر.
«Journal of biological Britance-تە جاريالانعان زەرتتەۋ اعزا ۋاقىتتىڭ مۇنداي جىلجۋىنا 1-2 كۇندە جانە بىرنەشە ايدا بەيىمدەلەتىنىن كورسەتتى. جاڭا ۋاقىت كەستەسىنە مەلاتونين دەڭگەيى تەز بەيىمدەلىپ، قالىپتى ۇيقى رەجيمىن قامتاماسىز ەتە الاتىنى ايتىلعان. تاعى دا اتاپ وتكىم كەلەدى، تولىققاندى زەرتتەۋ جۇرگىزۋگە تىم از ۋاقىت ءوتتى. سونىڭ وزىندە وسى كەزەڭدە مەديتسينالىق ۇيىمدارعا جۇگىنۋشىلەر سانى ەشقانداي وزگەرمەگەن. حالىقتىڭ دەنساۋلىق جاعدايى ايتارلىقتاي وزگەرگەن جوق. ۋاقىت بەلدەۋى وزگەرتىلگەننەن بەرى قىسقا عانا كەزەڭ وتكەنىن ەسكەرسەك، باسقا بەلدەۋگە كوشۋدىڭ دەنساۋلىقتاعى ەلەۋلى وزگەرىستەرگە سەبەپكەر بولعان-بولماعانىن انىقتاۋ ءۇشىن ءتيىستى عىلىمي زەرتتەۋلەر كەرەك. مينيسترلىك ونداي تالداۋ مۇمكىندىگىن عىلىم جانە جوعارى ءبىلىم مينيسترلىگىمەن بىرلەسىپ قاراۋعا دايىن»، - دەدى تيمۋر سۇلتانعازيەۆ.
