اقمولا وبلىسىنىڭ اتباسار اۋدانىندا سۋ تاسقىنىن الدىن الۋ بويىنشا العاش رەت جاباي وزەنىنىڭ ارناسىن تازارتۋ جۇمىستارى باستالدى. شوگىندىلەردىڭ سالدارىنان وزەننىڭ ارناسى تارىلىپ، جىلدار بويى سۋ تاسقىنى ورىن الىپ كەلدى، دەپ حابارلايدى اقمولا وبلىسىنىڭ ىشكى ساياسات باسقارماسىنان.
بۇعان دەيىن جەرگىلىكتى بيلىك وزەندەگى سۋدىڭ ارنادان اسىپ كەتۋ قاۋپىمەن كۇرەسىپ كەلدى، الايدا، ودان ەش ناتيجە بولمادى.
بيىلعى كوتەمدەگى سۋ تاسقىنى كەزىندە اقمولا وبلىسىنىڭ اكىمى مارات احمەتجانوۆ اتباسار اۋدانىنا بىرنەشە رەت جۇمىس بابىمەن بارىپ، حالىقپەن كەزدەسۋلەر وتكىزدى. وندا جىل سايىن قايتالانىپ تۇراتىن سۋ تاسقىنىن بولدىرماۋدىڭ جولدارىن قاراستىرعان ەدى.
اقساقالدار وتكەن عاسىردىڭ وزەن ءتۇبىن تەرەڭدەتۋ تاجىريبەسىن ۇسىندى، ول ءۇشىن سۋ وبەكتىلەرىن تازارتۋعا ارنالعان جەرسورعىش سنارياد ساتىپ الىندى.
ءوڭىر باسشىسى جۇزبەلى اگرەگاتتى ساتىپ الۋ تۋرالى شامامەن ءبىر اي بۇرىن وبلىستىڭ قوعامدىق كەڭەسىنە ءوڭىردى دامىتۋ جونىندەگى جوبالاردى تانىستىرعان.
ونىمدىلىگى بار قالقىمالى تەحنيكالىق قۇرال كەلەسى كۇنى اۋدانعا جەتكىزىلدى. ال بۇگىن جابدىق قىڭىر وزەن ارناسىندا سىناق رەجيمىندە جۇمىس ىستەي باستادى.
مارات احمەتجانوۆ جەر سناريادىنىڭ جۇمىسىمەن تانىسىپ، جاباي وزەنىنىڭ ارناسىن تەرەڭدەتۋ مەن كەڭەيتۋ ەلۋ جىلدا العاش رەت جۇرگىزىلىپ جاتقانىن اتاپ ءوتتى.
«جەر سناريادىنىڭ ۇزىندىعى 9 كم، جاباي وزەنىنىڭ ارناسىن سەگىز مەترگە دەيىن تەرەڭدەتەدى. بۇگىندە سنارياد سىناق رەجيمىندە جۇمىس ىستەيدى، قوزعالتقىش ىسكە قوسىلادى. ءبىر-ەكى كۇننەن كەيىن وزەندى لاي مەن قۇمنان تولىق تازارتۋ باستالادى. بۇل جۇمىس جىل سايىن سۋ تاسقىنىنان جاپا شەگەتىن اتباسار اۋدانى ءۇشىن قاجەت. قازىر سۋ تاسقىنىنا دايىندىق شارالارىنا ينۆەستيتسيا سالۋ ارقىلى كەلشەكتە تاسقىن سۋدان بولاتىن زارداپتارعا كەتەتىن ميللياردتاعان قارجىنى ۇنەمەي الامىز»، - دەپ اتاپ ءوتتى وبلىس اكىمى.
قالانىڭ كوپتەگەن تۇرعىندارى دا سناريادتىڭ جۇمىسىن قىزىقتادى.
«مەن وتىز جىل بويى وزەننىڭ جاعالاۋىندا تۇردىم، ۇيىمە ءۇش رەت سۋ كەلدى. بيىل سۋ تاسقىنى بولدى، ءبىز جاڭا پاتەرگە كوشەمىز. بىراق ءومىر مۇنىمەن اياقتالمايدى جانە ءبىز بولاشاق سۋ تاسقىنىنىڭ الدىن الۋ ءۇشىن وسىنداي جۇمىس جۇرگىزىلىپ جاتقانىنا وتە قۋانىشتىمىز، وبلىس اكىمى حالىقتىڭ پىكىرىن تىڭدادى»، - دەدى اتباسار تۇرعىنى، زەينەتكەر نيكولاي ستريگۋن.
ءوڭىر بيلىگى اتاپ وتكەندەي، بلوك-جينالمالى قۇرىلىم الداعى ۋاقىتتا كوكشەتاۋداعى قىلشاقتى وزەنىن تازارتۋ ءۇشىن پايدالانىلاتىن بولادى.
ەسكە سالايىق، جاباي وزەنىندەگى سۋدىڭ دەڭگەيى 2013, 2017 جانە 2024 جىلدارى كوتەرىلىپ، ارناسىنان اسىپ تاسىدى. سونىڭ سالدارىنان 300 جانە 500-دەن استام ءۇيدى سۋ باسىپ، تۇرعىندارعا ماتەريالدىق زالال اكەلگەن ەدى.
