Aqmola oblysynyń Atbasar aýdanynda sý tasqynyn aldyn alý boıynsha alǵash ret Jabaı ózeniniń arnasyn tazartý jumystary bastaldy. Shógindilerdiń saldarynan ózenniń arnasy tarylyp, jyldar boıy sý tasqyny oryn alyp keldi, dep habarlaıdy Aqmola oblysynyń ishki saıasat basqarmasynan.
Buǵan deıin jergilikti bılik ózendegi sýdyń arnadan asyp ketý qaýpimen kúresip keldi, alaıda, odan esh nátıje bolmady.
Bıylǵy kótemdegi sý tasqyny kezinde Aqmola oblysynyń ákimi Marat Ahmetjanov Atbasar aýdanyna birneshe ret jumys babymen baryp, halyqpen kezdesýler ótkizdi. Onda jyl saıyn qaıtalanyp turatyn sý tasqynyn boldyrmaýdyń joldaryn qarastyrǵan edi.
Aqsaqaldar ótken ǵasyrdyń ózen túbin tereńdetý tájirıbesin usyndy, ol úshin sý obektilerin tazartýǵa arnalǵan jersorǵysh snarıad satyp alyndy.
Óńir basshysy júzbeli agregatty satyp alý týraly shamamen bir aı buryn oblystyń Qoǵamdyq keńesine óńirdi damytý jónindegi jobalardy tanystyrǵan.
Ónimdiligi bar qalqymaly tehnıkalyq qural kelesi kúni aýdanǵa jetkizildi. Al búgin jabdyq qyńyr ózen arnasynda synaq rejıminde jumys isteı bastady.
Marat Ahmetjanov jer snarıadynyń jumysymen tanysyp, Jabaı ózeniniń arnasyn tereńdetý men keńeıtý elý jylda alǵash ret júrgizilip jatqanyn atap ótti.
«Jer snarıadynyń uzyndyǵy 9 km, Jabaı ózeniniń arnasyn segiz metrge deıin tereńdetedi. Búginde snarıad synaq rejıminde jumys isteıdi, qozǵaltqysh iske qosylady. Bir-eki kúnnen keıin ózendi laı men qumnan tolyq tazartý bastalady. Bul jumys jyl saıyn sý tasqynynan japa shegetin Atbasar aýdany úshin qajet. Qazir sý tasqynyna daıyndyq sharalaryna ınvestıııa salý arqyly kelshekte tasqyn sýdan bolatyn zardaptarǵa ketetin mıllıardtaǵan qarjyny únemeı alamyz», - dep atap ótti oblys ákimi.
Qalanyń kóptegen turǵyndary da snarıadtyń jumysyn qyzyqtady.
«Men otyz jyl boıy ózenniń jaǵalaýynda turdym, úıime úsh ret sý keldi. Bıyl sý tasqyny boldy, biz jańa páterge kóshemiz. Biraq ómir munymen aıaqtalmaıdy jáne biz bolashaq sý tasqynynyń aldyn alý úshin osyndaı jumys júrgizilip jatqanyna óte qýanyshtymyz, oblys ákimi halyqtyń pikirin tyńdady», - dedi Atbasar turǵyny, zeınetker Nıkolaı Strıgýn.
Óńir bıligi atap ótkendeı, blok-jınalmaly qurylym aldaǵy ýaqytta Kókshetaýdaǵy Qylshaqty ózenin tazartý úshin paıdalanylatyn bolady.
Eske salaıyq, Jabaı ózenindegi sýdyń deńgeıi 2013, 2017 jáne 2024 jyldary kóterilip, arnasynan asyp tasydy. Sonyń saldarynan 300 jáne 500-den astam úıdi sý basyp, turǵyndarǵa materıaldyq zalal ákelgen edi.
