1 تامىز كۇنى اباي اۋدانىنداعى "سەمەي ورمانى" مەملەكەتتىك ورمان تابيعي رەزەرۆاتىنان تاعى دا ءورت شىقتى. بۇل تۋرالى توتەنشە جاعدايلار مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ورتەنگەن اۋماق – 7 گەكتار. ونىڭ ىشىندە ورمانمەن قامتىلعانى — 1,06 گا. «سەمەي ورمانى» موتر وپەراتورىنان ورمان جابىندىسى بار ايماقتا داقىلدار ورتەنىپ جاتقانى تۋرالى حابارلاما كەلىپ ءتۇستى. جاڭا الگوريتمنىڭ، جەرۇستى كۇشتەرى مەن قۇرالدارىنىنىڭ جەدەل ارەكەتىنىڭ، سونداي-اق اۋە پاترۋلدەرىن جۇرگىزۋدىڭ ارقاسىندا ءورت 7 گا اۋماقتا وقشاۋلاندى»، - دەپ جازدى تجم. ءورت ورنىنا ورمان شارۋاشىلىعىنان، وبلىستىق تجد-دان 60 ادام، 25 بىرلىك تەحنيكا جانە 2 پيلوتسىز ۇشۋ اپپاراتى، «قازاۆياورمانقورعاۋ» اق مي-2 تىكۇشاعى جۇمىلدىرىلدى. «اباي وبلىسىندا ىستىق جانە قۇرعاق اۋا رايى ساقتالۋدا، ورمانداردىڭ ءورت قاۋىپسىزدىگى مونيتورينگى وبلىستىق تجد ەرەكشە باقىلاۋىندا»، - دەلىنگەن اقپاراتتا. جالىن تۇندە اۋىزدىقتالدى. ەسكە سالاساق، بىلتىر اباي وبلىسىنداعى الاپات ءورت كەزىندە 14 ادام قازا تاپقان بولاتىن.ۇقساس جاڭالىقتار
