1 tamyz künı Abai audanyndaǧy "Semei ormany" memlekettık orman tabiǧi rezervatynan taǧy da ört şyqty. Būl turaly Tötenşe jaǧdailar ministrlıgı jariialady, dep habarlaidy “Adyrna” ūlttyq portaly.
Aqparatqa säikes, örtengen aumaq – 7 gektar. Onyŋ ışınde ormanmen qamtylǧany — 1,06 ga. «Semei Ormany» MOTR operatorynan orman jabyndysy bar aimaqta daqyldar örtenıp jatqany turaly habarlama kelıp tüstı. Jaŋa algoritmnıŋ, jerüstı küşterı men qūraldarynynyŋ jedel äreketınıŋ, sondai-aq äue patrulderın jürgızudıŋ arqasynda ört 7 ga aumaqta oqşaulandy», - dep jazdy TJM. Ört ornyna orman şaruaşylyǧynan, oblystyq TJD-dan 60 adam, 25 bırlık tehnika jäne 2 pilotsyz ūşu apparaty, «Qazaviaormanqorǧau» AQ Mİ-2 tıkūşaǧy jūmyldyryldy. «Abai oblysynda ystyq jäne qūrǧaq aua raiy saqtaluda, ormandardyŋ ört qauıpsızdıgı monitoringı oblystyq TJD erekşe baqylauynda», - delıngen aqparatta. Jalyn tünde auyzdyqtaldy. Eske salasaq, byltyr Abai oblysyndaǧy alapat ört kezınde 14 adam qaza tapqan bolatyn.Ūqsas jaŋalyqtar
