اعىمداعى جىلدىڭ 1 تامىزىنان باستاپ جىل سايىنعى «مەكتەپكە جول» اكتسياسى باستالدى. ناۋقان 2024 جىلدىڭ 30 قىركۇيەگىنە دەيىن جالعاسادى.
بۇل قايىرىمدىلىق ءىس–شارا از قامتىلعان، كوپ بالالى وتباسىلار، جەتىم بالالار جانە جاڭا وقۋ جىلىنىڭ باستالۋىنا دايىندىق كەزەڭىندە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلارعا ماتەريالدىق كومەك كورسەتۋگە جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىنىڭ الدىن الۋعا باعىتتالعان. ەگەر وتباسى اتالعان ساناتتارعا جاتاتىن بولسا، وندا بالالاردىڭ اتا-انالارى مەكتەپكە بارىپ، راستايتىن قۇجاتتاردى ۇسىنۋى كەرەك.
اقمولا وبلىسى ءبىلىم باسقارماسىنىڭ قىزمەتكەرلەرى ۇلگى كورسەتىپ كوكشەتاۋ قالاسىنىڭ مالىك عابدۋللين اتىنداعى №3 كوپسالالى گيمنازياسىنىڭ وقۋشىسىنا «مەكتەپكە جول» اكتسياسى بويىنشا ماتەريالدىق-قارجىلىق كومەك كورسەتتى. وقۋشى قىز مەكتەپ فورماسى مەن كەڭسە تاۋارلارىن ساتىپ الۋ ءۇشىن 43500 تەڭگە الدى.
اكتسيانىڭ ءبىرىنشى كۇنى اقمولا وبلىسىنىڭ ۇيىمدارى جالپى سوماسى 12,0 ملن. تەڭگەگە 1196 ريۋكزاكتار تاراتقان بولاتىن.
«بۇگىنگە وبلىس بويىنشا ماتەريالدىق كومەك العانداردىڭ جالپى سانى 250,8 ملن. تەڭگە سوماسىنا 4898 بالانى قۇرايدى. ونىڭ ىشىندە بيۋدجەت قاراجاتى ەسەبىنەن 250,8 ملن. تەڭگە سوماعا 4897 وقۋشى، 43,5 مىڭ تەڭگە سوماعا 1 وقۋشىنىڭ بيۋدجەتتەن تىس قاراجاتى ەسەبىنەن»، - دەپ وبلىستىق ءبىلىم باسقارماسى ءبولىمىنىڭ باس مامانى باقىتجان تۇتكاباەۆا ايتىپ بەردى.
