تۇركىستان وبلىسىندا سورا وسىرگەن ەر ادام ۇستالدى، دەپ حابارلايدى «ادىرنا» ءتىلشىسى.
«سايرام اۋداندىق پوليتسيا باسقارماسىنا جەرگىلىكتى تۇرعىنداردىڭ ءبىرى ءوز ۇيىندە قۇرامىندا ەسىرتكى زاتى بار وسىمدىكتەردى ساقتاۋمەن اينالىساتىنى تۋرالى اقپارات كەلىپ ءتۇستى. پوليتسيا قىزمەتكەرلەرى جەدەل-ىزدەستىرۋ ءىس-شاراسىن جۇرگىزدى. ناتيجەسىندە كۇدىكتى رەتىندە 51 جاستاعى جەرگىلىكتى تۇرعىندى انىقتادى»،—دەلىنگەن حابارلامادا.
جەدەل ۋاكىلدەر ءتىنتۋ جۇرگىزۋ بارىسىندا ءۇي الدىنا ەگىلگەن 281 ەسىرتكىگە ۇقساس وسىمدىكتى تاۋىپ، تاركىلەدى. تابىلعان زاتقا ساراپتاما تاعايىندالىپ، ونىڭ سورا ەكەنىن راستالدى.
قازىرگى تاڭدا ەر ادامعا قاتىستى سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
https://youtu.be/oTFBxGitfXE?si=5oB5pKI9-415S2pv
